എറണാകുളത്ത് ബൈക്കുകള്‍ കൂട്ടിയിടിച്ച് രണ്ടു പേര്‍ മരിച്ചു

കൊച്ചി: എറണാകുളം ആമ്പല്ലൂരില്‍ ബൈക്കുകള്‍ കൂട്ടിയിടിച്ച് രണ്ട് പേര്‍ മരിച്ചു. കാഞ്ഞിരമറ്റം സ്വദേശികളായ റമീസ്, മനു എന്നിവരാണ് മരിച്ചത്. ഇവര്‍ രണ്ടുപേരും ഒരു ബൈക്കിലാണ് സഞ്ചരിച്ചിരുന്നത്. ഗുരുതരമായി പരുക്കേറ്റ അലന്‍ സോജന്‍ എന്ന യുവാവ് സ്വകാര്യആശുപത്രിയില്‍ ചികിത്സയിലാണ്. മനുവും റമീസും സഞ്ചരിച്ചിരുന്ന ബൈക്കും അലന്‍ സഞ്ചരിച്ച ബൈക്കും ആമ്പല്ലൂര്‍ പുതിയ പഞ്ചായത്തിന് സമീപമാണ് കൂട്ടിയിടിച്ചത്. പരിക്കേറ്റ മൂന്ന് പേരെയും ഉടന്‍ ആശുപത്രിയില്‍ എത്തിച്ചെങ്കിലും രണ്ടു പേരുടെ ജീവന്‍ രക്ഷിക്കാനായില്ലെന്ന് പോലിസ് അറിയിച്ചു.