കൊടിഞ്ഞി: വയനാട് ദുരന്തത്തില്‍ നിലമ്പൂരിലും പോത്തുകല്ലിലും ചുങ്കത്തറയിലും മലപ്പുറം ജില്ലയിലെ ആയിരക്കണക്കിന് എസ് ഡിപിഐ വോളന്റിയര്‍മാര്‍ക്ക് നേതൃത്വം നല്‍കിയ വോളന്റിയര്‍ ജില്ലാ കോഓഡിനേറ്റര്‍ ഹമീദ് പരപ്പനങ്ങാടിയെ എസ് ഡിപി ഐ നന്നമ്പ്ര പഞ്ചായത്ത് കമ്മിറ്റി ആദരിച്ചു. 2018ലെ വെള്ളപ്പൊക്കത്തിലും കൊറോണ കാലത്ത് നിരവധി മൃതദേഹങ്ങള്‍ സംസ്‌കരിക്കുന്നതിലും സ്തുത്യര്‍ഹമായ സേവനം നടത്തിയ ഹമീദ് പരപ്പനങ്ങാടി മാധ്യമപ്രവര്‍ത്തകന്‍ കൂടിയാണ്. എസ് ഡിപിഐ മലപ്പുറം ജില്ലാ കമ്മറ്റി അംഗമാണ്. എസ് ഡിപി ഐ പഞ്ചായത്ത് സെക്രട്ടറി ബഷീര്‍ കല്ലത്താണി ഹമീദ് പരപ്പനങ്ങാടിയെ പൊന്നാട അണിയിച്ചു. പഞ്ചായത്ത് പ്രസിഡന്റ് ഫൈസല്‍ പുളിക്കലകത്ത് കൊടിഞ്ഞി ഉപഹാരം നല്‍കി. അബ്ദുര്‍റഹ്മാന്‍ തിരുത്തി, ഇസ്മായില്‍ തെയ്യല, റസാഖ് പനയത്തില്‍, സലാം വെള്ളിയാമ്പുറം പങ്കെടുത്തു.