ശബരിമലയിലും അയോധ്യ ആവര്‍ത്തിക്കണം: വിദ്വേഷപരാമര്‍ഷവുമായി യോഗി ആദിത്യനാഥ്
പത്തനംതിട്ട: വര്‍ഗീയ കലാപങ്ങള്‍ ലക്ഷ്യമിട്ട് കേരളം കത്തിക്കാന്‍ വിദ്വേഷപ്രസംഗം നടത്തി ഹിന്ദുത്വ നേതാവും യുപി മുഖ്യമന്ത്രിയുമായ യോഗി ആദിത്യനാഥ്. ലോക്‌സഭാ തിരഞ്ഞെടുപ്പിന് മുന്നോടിയായി കേരളത്തിലെത്തിയ യോഗി പത്തനംത്തിട്ടയിലെ സംഘപരിവാരയോഗങ്ങളില്‍ പങ്കെടുക്കവേയാണ് ശബരിമല മുഖ്യപ്രചാരണ വിഷയമാക്കിയത്. ശബരിമലയിലും അയോധ്യ മാതൃകയാക്കി കലാപങ്ങള്‍ നടത്തണമെന്നാണ് യുപി മുഖ്യമന്ത്രി യോഗി ആദിത്യനാഥ് പറഞ്ഞത്. അയോധ്യയിലും ശബരിമലയിലും ഹിന്ദുക്കളെ അപമാനിക്കാന്‍ ശ്രമം നടക്കുകയാണെന്നും യോഗി ആദിത്യനാഥ് പറഞ്ഞു. കേന്ദ്രസര്‍ക്കാരും യുപി സര്‍ക്കാരുമെല്ലാം വിശാസ സംരക്ഷണത്തിനായി ശ്രമിക്കുമ്പോള്‍ കേരളത്തിലെ സര്‍ക്കാര്‍ വിശ്വാസത്തെ തകര്‍ക്കാന്‍ നോക്കുകയാണെന്നും യോഗി ആരോപിച്ചു.