എല്‍ഡിഎഫ് സ്ഥാനാര്‍ഥിക്ക് സ്വീകരണം: എന്‍എസ്എസ് താലൂക്ക് യൂനിയന്‍ പിരിച്ചുവിട്ടു

ആലപ്പുഴ: മാവേലിക്കര ലോക്‌സഭാ മണ്ഡലത്തിലെ എല്‍ഡിഎഫ് സ്ഥാനാര്‍ഥിക്ക് സ്വീകരണം നല്‍കിയ എന്‍എസ്എസ് താലൂക്ക് യൂനിയന്‍ നേതൃത്വം പിരിച്ചുവിട്ടു. സ്ഥാനാര്‍ഥിയായ ചിറ്റയം ഗോപകുമാറിന് സ്വീകരണം നല്‍കിയതിനാണ് എന്‍എസ്എസ് മാവേലിക്കര താലൂക്ക് യൂനിയന്‍ പിരിച്ചുവിട്ടത്.

യൂനിയന്‍ ഓഫീസില്‍ സ്ഥാനാര്‍ഥിക്ക് സ്വീകരണം നല്‍കിയത് വിവാദമായതോടെ പ്രസിഡന്റ് ഒഴികെയുള്ള താലൂക്ക് യൂനിയന്‍ കമ്മിറ്റി അംഗങ്ങളെ ചങ്ങനാശേരിയിലെ എന്‍എസ്എസ് ആസ്ഥാനത്തേക്ക് വിളിച്ചുവരുത്തി രാജി എഴുതി വാങ്ങുകയായിരുന്നു. ഇതിന് പിന്നാലെയാണ് മാവേലിക്കര താലൂക്ക് യൂനിയന്‍ എന്‍എസ്എസ് നേതൃത്വം പിരിച്ചുവിട്ടത്. യൂനിയന്റെ ചുമതല നല്‍കി അഞ്ചംഗ അഡ്‌ഹോക്ക് കമ്മിറ്റിയെ നിയോഗിച്ചു.