എസ്ഡിപിഐ മഞ്ചേശ്വരം മണ്ഡലം വളണ്ടിയേഴ്‌സ് ടീമിന് പ്രവാസലോക വാട്‌സ് ആപ്പ് കൂട്ടായ്മയുടെ കൈത്താങ്ങ്

മഞ്ചേശ്വരം: ഈ ലോക്ക് ഡൗണ്‍ കാലയളവിലും പ്രശംസനീയവും മാതൃകാപരവുമായ സേവനപ്രവര്‍ത്തനങ്ങള്‍ക്ക് നേതൃത്വം നല്‍കുന്ന എസ്ഡിപിഐ മഞ്ചേശ്വരം മണ്ഡലം കമ്മിറ്റിക്ക് മഞ്ചേശ്വരം പ്രവാസലോക വാട്‌സ് ആപ്പ് കൂട്ടായ്മയുടെ സ്‌നേഹ ഉപഹാരമായി നല്‍കിയ ഗ്രാസ് കട്ടിങ് യന്ത്രവും ഫോഗ് മിഷനും എസ്ഡിപിഐ ജില്ലാ പ്രസിഡന്റ് ഇഖ്ബാല്‍ ഹൊസങ്കടി, എസ്ഡിപിഐ മഞ്ചേശ്വരം മണ്ഡലം പ്രസിഡന്റ് അന്‍സാര്‍ ഹൊസംഘടിക്ക് കൈമാറി.

ബ്ലോക്ക് പഞ്ചായത്ത് സ്റ്റാന്‍ഡിങ് കമ്മിറ്റി ചെയര്‍മാന്‍ ഹമീദ് ഹോസംഘടി, പോപുലര്‍ ഫ്രണ്ട് മഞ്ചേശ്വരം ഡിവിഷന്‍ പ്രസിഡന്റ് ഷബീര്‍ പൊസോട്ട്, എസ്ഡിപിഐ മണ്ഡലം സെക്രട്ടറി മുബാറഖ് കടമ്പാര്‍, എസ്ഡിപിഐ മഞ്ചേശ്വരം പഞ്ചായത്ത് പ്രസിഡന്റ് അഷ്‌റഫ് ബടാജെ എന്നിവര്‍ ചടങ്ങില്‍ പങ്കെടുത്തു.