കൊല്ലം പള്ളിക്കലാറില്‍ വള്ളം മറിഞ്ഞ് രണ്ട് യുവാക്കള്‍ മരിച്ചു

കൊല്ലം: പള്ളിക്കലാറില്‍ വള്ളം മറിഞ്ഞ് രണ്ട് യുവാക്കള്‍ മരിച്ചു. ആറ്റില്‍ മീന്‍ പിടിക്കാന്‍ എത്തിയ യുവാക്കളാണ് അപകടത്തില്‍പ്പെട്ടത്. വള്ളത്തില്‍ നാല് യുവാക്കളായിരുന്നു ഉണ്ടായിരുന്നത്. രണ്ട് പേര്‍ നീന്തി രക്ഷപ്പെട്ടു. കല്ലേലി ഭാഗം സ്വദേശികളായ ശ്രീരാഗ് (24), അജിത്ത് (23) എന്നിവരാണ് മരിച്ചത്.

അഗ്‌നിശമന സേനയുടെ സ്‌കൂബാ ടീം നടത്തിയ തെരച്ചിലില്‍ യുവാക്കളെ കണ്ടെത്തി ആശുപത്രിയിലേക്ക് മാറ്റിയെങ്കിലും രക്ഷിക്കാന്‍ സാധിച്ചില്ല. മരിച്ച ശ്രീരാഗിന്റെ ഇരട്ട സഹോദരന്‍ ശ്രീരാജും വള്ളത്തിലുണ്ടായിരുന്നു.ശ്രീരാജും മറ്റൊരു യുവാവും നീന്തി രക്ഷപ്പെടുകയായിരുന്നു.