ചേലക്കുളം മുഹമ്മദ് അബുല്‍ ബുഷ്‌റ മൗലവിയുടെ വിയോഗത്തില്‍ അനുശോചിച്ചു

കോഴിക്കോട്: ദക്ഷിണ കേരള ജംഇയ്യത്തുല്‍ ഉലമ പ്രസിഡന്റും തിരുവനന്തപുരം വലിയ ഖാളിയുമായ ചേലക്കുളം മുഹമ്മദ് അബുല്‍ ബുഷ്‌റ മൗലവിയുടെ വിയോഗത്തില്‍ പോപുലര്‍ ഫ്രണ്ട് ഓഫ് ഇന്ത്യ സംസ്ഥാന പ്രസിഡന്റ് സി പി മുഹമ്മദ് ബഷീര്‍ അനുശോചിച്ചു. കേരളത്തിലെ ദീനി പ്രവര്‍ത്തന മേഖലയില്‍ അദ്ദേഹത്തിന്റെ പങ്ക് വിലമതിക്കാനാവാത്തതാണ്. പിന്നാക്കം നില്‍ക്കുന്ന മുസ്‌ലിം ജനവിഭാഗങ്ങളുടെ സാമൂഹിക ഉന്നമനത്തിനായി അഹോരാത്രം പ്രവര്‍ത്തിച്ച പണ്ഡിതനാണ് അദ്ദേഹം.

ഇസ്‌ലാമികപരമായി സകല മേഖലകളിലും മികവ് തെളിയിച്ച വ്യക്തിത്വമായിരുന്നു അദ്ദേഹം. കേരളത്തിലെ നിരവധി പണ്ഡിതന്‍മാരുടെ ഗുരുനാഥനായ മൗലാന കേരളീയ മുസ്‌ലിം പണ്ഡിത ലോകത്തെ തേജസ്സാര്‍ന്ന വ്യക്തിത്വമാണ്. കുടുംബാംഗങ്ങളുടേയും സഹപ്രവര്‍ത്തകരുടേയും ദു:ഖത്തില്‍ പങ്കുചേരുന്നു. അദ്ദേഹത്തിന്റെ പരലോകജീവിതം നാഥന്‍ സന്തോഷകരമാക്കട്ടെ എന്ന് പ്രാര്‍ഥിക്കുന്നു- അനുശോചന സന്ദേശത്തില്‍ അദ്ദേഹം കൂട്ടിച്ചേര്‍ത്തു.