ജോലിക്കിടെ കെട്ടിടത്തില്‍നിന്ന് വീണ് യുവാവ് മരിച്ചു

അരീക്കോട്: ജോലിക്കിടെ കെട്ടിടത്തിന്റെ മുകളില്‍നിന്ന് താഴെ വീണ് യുവാവ് മരിച്ചു. കിഴുപറമ്പ് തൃക്കളയൂര്‍ ചക്കാലക്കല്‍ പവിത്രന്റെ മകന്‍ ബിജു (48) ആണ് മരിച്ചത്. സെന്‍ട്രിങ് ജോലിക്കാരനായ ബിജു ഞായറാഴ്ച മഞ്ചേരി എന്‍എസ്എസ് കോളജിനടുത്തുള്ള വീടുനിര്‍മാണ ജോലിയ്ക്കിടെ കാല്‍വഴുതി വീഴുകയായിരുന്നു.

ഉടന്‍ കൂടെ ജോലിചെയ്യുന്നവര്‍ മഞ്ചേരി സ്വകാര്യാശുപത്രിയിലും പിന്നീട് കോഴിക്കോട് മെഡിക്കല്‍ കോളജിലുമെത്തിച്ചെങ്കിലും മരണപ്പെടുകയായിരുന്നു. ഇന്‍ക്വസ്റ്റ് നടപടികള്‍ക്കും പോസ്റ്റുമോര്‍ട്ടത്തിനും ശേഷം തിങ്കളാഴ്ച മൃതദേഹം വീട്ടുവളപ്പില്‍ സംസ്‌കരിക്കും. അമ്മ പരേതയായ തങ്കമ്മു. ഭാര്യ: ബിനി കാരമൂല. സഹോദരങ്ങള്‍: ശിവദാസന്‍, ബിന്ദു.