അഖിലേന്ത്യാ സെവന്‍സ് ഫുട്‌ബോള്‍ ടൂര്‍ണമെന്റ്

അരീക്കോട്: ഊര്‍ങ്ങാട്ടിരി തെരട്ടമ്മല്‍ സി ജാബിര്‍ സ്മാരക അഖിലേന്ത്യാ സെവന്‍സ് ഫുട്‌ബോള്‍ ടൂര്‍ണമെന്റ് തെരട്ടമ്മല്‍ പഞ്ചായത്ത് സ്‌റ്റേഡിയത്തില്‍ ഐ എം വിജയന്‍ ഉദ്ഘാടനം ചെയ്തു. റോയല്‍ മുസ്തഫ, സൂപ്പര്‍ ബാവ, സലാഹുദ്ദീന്‍, ജാബിറിന്റെ പിതാവ് ചെമ്പകത്ത് മുഹമ്മദ്, മകന്‍ ഫഹദ് ജാബിര്‍, പഞ്ചായത്ത് പ്രസിഡന്റ് എന്‍ കെ ഷൗക്കത്തലി, എന്‍ കെ യൂസുഫ്, കെ സി നാദിഷ് ബാബു, എ എം ഹബീബുല്ല, യു സമീര്‍, പി ഹബീബ് റഹ്മാന്‍, ആബിദ്, ജാഫര്‍ പങ്കെടുത്തു. ഉദ്ഘാടന മത്സരത്തില്‍ സബാന്‍ കോട്ടക്കല്‍ അല്‍മിന്‍ഹാല്‍ വളാഞ്ചേരിയെ പരാജയപ്പെടുത്തി (3-0). ഇന്ന് എന്‍എസ്‌സി തെരട്ടമ്മലും കെആര്‍എസ് കോഴിക്കോടും തമ്മില്‍ ഏറ്റുമുട്ടും. രാത്രി എട്ട് മണിക്കാണ് മല്‍സരം.