ദാറുസ്സുന്ന രജത ജൂബിലി; ഉമ്മമാരെ ആദരിക്കല്‍ ജില്ലാതല ഉദ്ഘാടനം

മഞ്ചേരി: അറിവില്‍ നിറമില്ല എന്ന പ്രമേയത്തില്‍ 2021 ജൂലൈ മുതല്‍ 2022 മാര്‍ച്ച് വരെ നടക്കുന്ന മഞ്ചേരി ദാറുസ്സുന്ന: ഇസ്‌ലാമിക കേന്ദ്രത്തിന്റ രജത ജൂബിലിയുടെ ഭാഗമായി സംഘടിപ്പിക്കുന്ന സ്‌നേഹാദരം (മക്കളും പേരമക്കളുമായി 25 അംഗങ്ങളുള്ള ഉമ്മമാരെ ആദരിക്കല്‍) ജില്ലാതല ഉദ്ഘാടനം നിര്‍വഹിച്ചു.

കേരള സംസ്ഥാന ജംഇയ്യത്തുല്‍ ഉലമാ ജനറല്‍ സെക്രട്ടറി എ നജീബ് മൗലവിയുടെ ഉമ്മ അല്ലിപ്ര സ്വഫിയ്യ: ഹജ്ജുമ്മയെ ആദരിച്ച് സുന്നി യുവജന ഫെഡറേഷന്‍ ജില്ലാ പ്രസിഡന്റ് പാണക്കാട് സയ്യിദ് അബ്ദുല്‍ ഖയ്യും ശിഹാബ് തങ്ങളാണ് നിര്‍വഹിച്ചത്. നജീബ് മൗലവി ഉപഹാരം ഏറ്റുവാങ്ങി. എസ്‌വൈഎഫ് കേന്ദ്ര സമിതി കണ്‍വീനര്‍ അലി അക്ബര്‍ മൗലവി, സംസ്ഥാന സെക്രട്ടറി ഇ പി അശ്‌റഫ് ബാഖവി, ജാമിഅ: പ്രഫസര്‍ അബൂ ഹനീഫ മുഈനി, എസ്‌വെഎഫ് ജില്ലാ സെക്രട്ടറി മുജീബ് വഹബി പുവ്വത്തിക്കല്‍, കെ എം ശംസുദ്ദീന്‍ വഹബി, അമീന്‍ ദാറാനി വയനാട് എന്നിവര്‍ സംസാരിച്ചു.