നവജാത ശിശുവിനെ മാതാവ് പുഴയിലെറിഞ്ഞു

പെരിന്തല്‍മണ്ണ: നിലമ്പൂ- ഷൊര്‍ണ്ണൂര്‍ റെയില്‍വേ പാതയില്‍ ഏലംകുളം മപ്പാട്ടുകര റെയില്‍വേ പാലത്തില്‍നിന്ന് പ്രസവിച്ച് ദിവസങ്ങള്‍ മാത്രം പ്രായമായ കുഞ്ഞിനെ മാതാവ് പുഴയിലെറിഞ്ഞ് കൊലപ്പെടുത്താന്‍ ശ്രമിച്ചു. ഇന്നലെ അര്‍ധരാത്രിയിലാണ് നാടിനെ നടുക്കിയ സംഭവം നടന്നത്.

പെരിന്തല്‍മണ്ണ പോലിസും ഫയര്‍ഫോഴ്‌സും നാട്ടുകാരും പുഴയില്‍ തിരച്ചില്‍ നടത്തുന്നുണ്ട്. പ്രസവിച്ച സ്ത്രീക്ക് മാനസിക വൈകല്യമുള്ളതായാണ് വീട്ടുകാരും നാട്ടുകാരും പറയുന്നത്. പെരിന്തല്‍മണ്ണ ഏലംകുളം പാലത്തോള്‍ സ്വദേശിനിയാണ് യുവതി. പഞ്ചായത്ത് പ്രതിനിധികളും നാട്ടുകാരും പോലിസും സംഭവസ്ഥലത്ത് എത്തിയിട്ടുണ്ട്. കുഞ്ഞിനെ കണ്ടെത്തുന്നതിനായി തിരച്ചില്‍ ആരംഭിച്ചിട്ടുണ്ട്. കുഞ്ഞിനെ ഉപേക്ഷിക്കാനുണ്ടായ കാരണം വ്യക്തമല്ല.