തിരുവനന്തപുരം മെഡിക്കല്‍ കോളജില്‍ 'പ്രതീക്ഷ' കമ്മ്യൂണിറ്റി സര്‍വീസ് സെന്റര്‍ രക്തദാന ക്യാംപ്

തിരുവനന്തപുരം: ഗാന്ധി ജയന്തി ദിനത്തോടനുബന്ധിച്ച് പ്രതീക്ഷ കമ്മ്യൂണിറ്റി സര്‍വീസ് സെന്റര്‍ തിരുവനന്തപുരം മെഡിക്കല്‍ കോളജ് ബ്ലഡ് ബാങ്കില്‍ രക്തദാന ക്യാംപ് സംഘടിപ്പിച്ചു.

തിരുവനന്തപുരം മെഡിക്കല്‍ കോളജ് അസോസിയേറ്റ് പ്രഫസറും ട്രാന്‍സ്ഫ്യൂഷന്‍ മെഡിസിന്‍ വിഭാഗം മേധാവിയുമായി ഡോ.വി ശ്രീജിത്ത്, ക്യാംപ് കോ-ഓഡിനേറ്റര്‍ (ട്രാന്‍സ്ഫ്യൂഷന്‍ മെഡിസിന്‍) ബീന തുടങ്ങിയവര്‍ ക്യാംപിനോട് അനുബന്ധിച്ച് നടന്ന ബോധവല്‍ക്കരണ ക്ലാസ് നയിച്ചു.

പ്രതീക്ഷ തിരുവനന്തപുരം ജില്ലാ കോ-ഓഡിനേറ്റര്‍ നൗഷാദ് മൊമെന്റോ ഏറ്റുവാങ്ങി. രക്തദാനം നടത്തിയവര്‍ക്ക് പ്രതീക്ഷ ഓഫിസ് സെക്രട്ടറി ഷാഫി സര്‍ട്ടിഫിക്കറ്റുകള്‍ വിതരണം ചെയ്തു.