കളിക്കുന്നതിനിടെ കിണറ്റിൽ വീണ് വിദ്യാർഥി മരിച്ചു

തിരുവനന്തപുരം: പന്തെടുക്കാൻ ശ്രമിക്കവേ കിണറ്റിൽ വീണു വിദ്യാർഥി മരിച്ചു. മണ്ണന്തല മുക്കോല മീനങ്കാണിവിള വീട്ടിൽ ആന്റണിയുടെ മകൻ കെവിൻ (15) ആണ് മരിച്ചത്. ഇന്ന് വൈകീട്ട് ഏഴോടെയാണ് സംഭവം.

വീടിനു സമീപത്തുള്ള പറമ്പിൽ കൂട്ടുകാർക്കൊപ്പം കളിക്കവെ കിണറ്റിൽ വീണ പന്തെടുക്കാൻ ശ്രമിക്കവെയാണ് അപകടം. കാൽ വഴുതി കിണറ്റിൽ വീണ ബാലനെ നാട്ടുകാർ രക്ഷപ്പെടുത്തി തിരുവനന്തപുരം മെഡിക്കൽ കോളജ് ആശുപത്രിയിലെത്തിച്ചെങ്കിലും മരിച്ചു. മൃതദേഹം മോർച്ചറിയിൽ.