വിയ്യൂര്‍ ജയിലിലെ തടവുകാരന്‍ കൊവിഡ് ബാധിച്ച് മരിച്ചു

തൃശൂര്‍: വിയ്യൂര്‍ ജില്ലാ ജയിലിലെ തടവുകാരന്‍ കൊവിഡ് ചികില്‍സയിലിരിക്കെ മരിച്ചു. സന്തോഷ് (44) ആണ് തൃശൂര്‍ മെഡിക്കല്‍ കോളജ് ആശുപത്രിയില്‍ മരിച്ചത്. സംസ്ഥാനത്തെ ജയിലുകളില്‍ കൊവിഡ് വ്യാപനം രൂക്ഷമായിരിക്കേയാണ് വിയ്യൂരില്‍ തടവുകാരന്‍ മരിച്ചിരിക്കുന്നത്. വയറുവേദനയും ഛര്‍ദ്ദിയുമായി ആശുപത്രിയിലെത്തിയപ്പോഴാണ് കൊവിഡ് സ്ഥിരീകരിച്ചത്.

പിന്നീട് ജയിലിലെ ക്വാറന്റൈന്‍ കേന്ദ്രത്തിലേക്ക് മാറ്റിയെങ്കിലും ആരോഗ്യനില മോശമായതോടെ വീണ്ടും മെഡിക്കല്‍ കോളജ് ആശുപത്രിയിലെത്തിക്കുകയായിരുന്നു. ജനുവരി 14നാണ് സന്തോഷ് ജയിലിലെത്തിയത്. ജില്ലയിലെ സിഎഫ്എല്‍ടിസി ജയിലായി പ്രവര്‍ത്തിക്കുന്ന വിയ്യൂര്‍ ജില്ലാ ജയിലില്‍ നിലവില്‍ ഏഴ് തടവുകാര്‍ക്ക് കൊവിഡ് സ്ഥിരീകരിച്ചിട്ടുണ്ട്. 12 പേര്‍ സമ്പര്‍ക്ക പട്ടികയില്‍ ക്വാറന്റൈനിലാണ്. പൂജപ്പുര സെന്‍ട്രല്‍ ജയിലിലെ 262 തടവുകാര്‍ക്കാണ് കൊവിഡ് സ്ഥിരീകരിച്ചിരിക്കുന്നത്.