ഹിദായത്തുല്‍ ഇസ്‌ലാം മദ്‌റസ കെട്ടിടം ഉദ്ഘാടനം

മാള: 2018ലെ മഹാപ്രളയത്തില്‍ സാരമായ കേടുപാടുകള്‍ സംഭവിച്ചതും പുതുക്കിപ്പണിതതുമായ കൊച്ചുകടവ് ഹിദായത്തുല്‍ ഇസ്‌ലാം മദ്‌റസ കെട്ടിടം അസര്‍ നമസ്‌കാരാനന്തരം മഹല്ല് ഖത്തീബ് വി എ അബൂബക്കര്‍ അസ്ഹരി ഉദ്ഘാടനം ചെയ്തു. മഹല്ല് പ്രസിഡന്റ് പി എ ഖാലിദ് അധ്യക്ഷത വഹിച്ചു. മഹല്ല് സെക്രട്ടറി പ്ലാക്കല്‍ അഷറഫ്, സ്വാദിഖ് സഖാഫി, സൈതലവി മുസ്‌ല്യാര്‍, കരീം മുസ്‌ല്യാര്‍, അഹ്മദ് സഖാഫി സംസാരിച്ചു. മഹല്ല് കമ്മിറ്റി ഭാരവാഹികള്‍ നേതൃത്വം നല്‍കി. 10 ലക്ഷം രൂപ ചിലവിട്ടാണ് മദ്‌റസ കെട്ടിടം നിര്‍മ്മിച്ചത്. വെള്ളക്കെട്ട് ഭീഷണി ഒഴിവാക്കാനായി കെട്ടിടത്തിന്റെ തറ മെയിന്‍ റോഡിനേക്കാള്‍ ഒന്നരയടി ഉയര്‍ത്തിയാണ് പണിതിരിക്കുന്നത്.