വയനാട് ജില്ലയില്‍ ഇന്ന് 473 പേര്‍ക്ക് കൂടി കൊവിഡ്; ടിപിആര്‍ 8.44 ശതമാനം

കല്‍പ്പറ്റ: വയനാട് ജില്ലയില്‍ ഇന്ന് 473 പേര്‍ക്ക് കൂടി കൊവിഡ് സ്ഥിരീകരിച്ചതായി ജില്ലാ മെഡിക്കല്‍ ഓഫിസര്‍ ഡോ. ആര്‍. രേണുക അറിയിച്ചു. 352 പേര്‍ രോഗമുക്തി നേടി. ടെസ്റ്റ് പോസിറ്റിവിറ്റി റേറ്റ് 8.44 ആണ്. 471 പേര്‍ക്ക് സമ്പര്‍ക്കത്തിലൂടെയാണ് രോഗബാധ. 4 ആരോഗ്യ പ്രവര്‍ത്തര്‍ക്കും രോഗം സ്ഥിരീകരിച്ചു. ഇതോടെ ജില്ലയില്‍ കൊവിഡ് സ്ഥിരീകരിച്ചവരുടെ എണ്ണം 71241 ആയി. 66301 പേര്‍ ഇതുവരെ രോഗമുക്തരായി. നിലവില്‍ 4188 പേരാണ് ജില്ലയില്‍ ചികില്‍സയിലുള്ളത്. ഇവരില്‍ 3069 പേര്‍ വീടുകളിലാണ് ഐസൊലേഷനില്‍ കഴിയുന്നത്.

രോഗം സ്ഥിരീകരിച്ചവര്‍

എടവക 73, പടിഞ്ഞാറത്തറ 42, പനമരം 35, മുട്ടില്‍ 29, കണിയാമ്പറ്റ 28, പുല്‍പ്പള്ളി 26,

പൂതാടി 24, വെള്ളമുണ്ട 23, മീനങ്ങാടി, മാനന്തവാടി 20 വീതം, മൂപ്പൈനാട് 19, മുള്ളന്‍കൊല്ലി 18, ബത്തേരി 16, അമ്പലവയല്‍ 15, തവിഞ്ഞാല്‍ 14, കല്‍പ്പറ്റ 13, മേപ്പാടി, നൂല്‍പ്പുഴ 10 വീതം, നെന്മേനി 9, തിരുനെല്ലി 8, പൊഴുതന 5, തൊണ്ടര്‍നാട്, തരിയോട് 4 വീതം, വൈത്തിരി 3, വെങ്ങപ്പള്ളി 2, കോട്ടത്തറ സ്വദേശിയായ ഒരാളുമാണ് സമ്പര്‍ക്കത്തിലൂടെ രോഗ ബാധിതരായത്. തമിഴ്‌നാട്ടില്‍ നിന്ന് വന്ന 2 പേരാണ് ഇതര സംസ്ഥാനങ്ങളില്‍ നിന്നെത്തി രോഗ ബാധിതരായത്.

352 പേര്‍ക്ക് ഇന്ന് രോഗമുക്തി

ആശുപത്രികളില്‍ ചികിത്സയിലായിരുന്ന 73 പേരും, വീടുകളില്‍ ചികിത്സയിലായിരുന്ന 279 പേരുമാണ് രോഗമുക്തരായത്.

1285 പേര്‍ പുതുതായി നിരീക്ഷണത്തില്‍

കോവിഡുമായി ബന്ധപ്പെട്ട് ജില്ലയില്‍ ഇന്ന് (18.07.21) പുതുതായി നിരീക്ഷണത്തിലായത് 1285 പേരാണ്. 1123 പേര്‍ നിരീക്ഷണകാലം പൂര്‍ത്തിയാക്കി. നിലവില്‍ നിരീക്ഷണത്തിലുള്ളത് 13749 പേര്‍. ഇന്ന് പുതുതായി 91 പേര്‍ ആശുപത്രിയില്‍ നിരീക്ഷണത്തിലായി. ജില്ലയില്‍ നിന്ന് 4368 സാമ്പിളുകളാണ് ഇന്ന് പരിശോധനയ്ക്ക് അയച്ചത്. ഇതുവരെ 557156 സാമ്പിളുകളാണ് പരിശോധനയ്ക്ക് അയച്ചത്. ഇതില്‍ 524475 എണ്ണത്തിന്റെ ഫലം ലഭിച്ചു. 453234 പേര്‍ നെഗറ്റീവും 71241 പേര്‍ പോസിറ്റീവുമാണ്.