വയനാട് ജില്ലയില്‍ 18 പേര്‍ക്ക് കൂടി കൊവിഡ്; 13 പേര്‍ക്ക് സമ്പര്‍ക്കത്തിലൂടെ രോഗബാധ

കല്‍പ്പറ്റ: വയനാട് ജില്ലയില്‍ ഇന്ന് തിങ്കളാഴ്ച 18 പേര്‍ക്ക് കൊവിഡ് സ്ഥിരീകരിച്ചതായി ജില്ലാ മെഡിക്കല്‍ ഓഫീസര്‍ ഡോ.ആര്‍. രേണുക അറിയിച്ചു. 46 പേര്‍ രോഗമുക്തി നേടി. 13 പേര്‍ക്ക് സമ്പര്‍ക്കത്തിലൂടെയാണ് രോഗബാധ. 3 പേര്‍ ഇതര സംസ്ഥാനങ്ങളില്‍ നിന്നും 2 പേര്‍ വിദേശത്ത് നിന്നും വന്നവരാണ്.

ഇതോടെ ജില്ലയില്‍ കൊവിഡ് സ്ഥിരീകരിച്ചവരുടെ ആകെ എണ്ണം 2,634 ആയി. 1,999 പേര്‍ രോഗമുക്തരായി. നിലവില്‍ 630 പേരാണ് ചികില്‍സയിലുള്ളത്.

രോഗം സ്ഥിരീകരിച്ചവര്‍:

അഞ്ച് മുട്ടില്‍ സ്വദേശികള്‍, രണ്ട് മേപ്പാടി സ്വദേശികള്‍, ഒരു തവിഞ്ഞാല്‍ സ്വദേശിനി, ഒരു തരിയോട് സ്വദേശി, ഒരു നൂല്‍പ്പുഴ സ്വദേശി, ഒരു കടല്‍നാട് സ്വദേശി, രണ്ട് കണ്ണൂര്‍ സ്വദേശികള്‍ എന്നിവരാണ് സമ്പര്‍ക്കത്തിലൂടെ രോഗബാധിതരായത്.

സെപ്റ്റംബര്‍ 13 ന് ദുബൈയില്‍ നിന്ന് വന്ന വാരാമ്പറ്റ സ്വദേശി (16), സെപ്റ്റംബര്‍ 12ന് ദുബൈയില്‍ നിന്ന് വന്ന (35) കാരന്‍, ഓഗസ്റ്റ് 31ന് മധ്യപ്രദേശില്‍ നിന്നു വന്ന മാന്‍കുന്ന് സ്വദേശി (33), സെപ്തംബര്‍ 13ന് കര്‍ണാടകയില്‍ നിന്ന് വന്ന വരദൂര്‍ സ്വദേശി (15), സെപ്റ്റംബര്‍ 14 ന് കര്‍ണാടകയില്‍ നിന്ന് വന്ന അഞ്ചുകുന്ന് സ്വദേശി (57) എന്നിവര്‍ വിദേശത്ത് നിന്നും ഇതര സംസ്ഥാനങ്ങളില്‍ നിന്നും എത്തി രോഗബാധിതരായി.

46 പേര്‍ക്ക് രോഗമുക്തി

7 മൂപ്പൈനാട് സ്വദേശികള്‍, 6 നെന്മേനി സ്വദേശികള്‍, 5 പടിഞ്ഞാറത്തറ സ്വദേശികള്‍, വാഴവറ്റ, എടവക, മേപ്പാടി സ്വദേശികളായ 4 പേര്‍ വീതം, 3 വെള്ളമുണ്ട സ്വദേശികള്‍, 2 അമ്പലവയല്‍ സ്വദേശികള്‍, പൂതാടി, അഞ്ചുകുന്ന്, കല്‍പ്പറ്റ, പള്ളിക്കുന്ന്, മീനങ്ങാടി, ബത്തേരി, തിരുനെല്ലി, പനമരം സ്വദേശികളായ ഓരോരുത്തര്‍, 2 കോഴിക്കോട് സ്വദേശികള്‍, ഒരു കണ്ണൂര്‍ സ്വദേശി എന്നിവരാണ് രോഗം ഭേദമായി ആശുപത്രി വിട്ടത്.

198 പേര്‍ പുതുതായി നിരീക്ഷണത്തില്‍:

കൊവിഡുമായി ബന്ധപ്പെട്ട് ജില്ലയില്‍ ഇന്ന് (21.09) പുതുതായി നിരീക്ഷണത്തിലായത് 198 പേരാണ്. 178 പേര്‍ നിരീക്ഷണ കാലം പൂര്‍ത്തിയാക്കി. നിലവില്‍ നിരീക്ഷണത്തിലുള്ളത് 3,392 പേര്‍. ഇന്ന് വന്ന 57 പേര്‍ ഉള്‍പ്പെടെ 649 പേര്‍ ആശുപത്രിയില്‍ നിരീക്ഷണത്തിലാണ്. ജില്ലയില്‍ നിന്ന് ഇന്ന് 229 പേരുടെ സാംപിളുകളാണ് പരിശോധനയ്ക്ക് അയച്ചത്. ഇതുവരെ പരിശോധനയ്ക്ക് അയച്ച 75,178 സാംപിളുകളില്‍ 69,567 പേരുടെ ഫലം ലഭിച്ചു. ഇതില്‍ 66,933 നെഗറ്റീവും 2634 പോസിറ്റീവുമാണ്.