കുവൈത്തില്‍ 622 പേര്‍ക്ക് കൊവിഡ് സ്ഥിരീകരിച്ചു; ഒരു മരണം

കുവൈത്ത് സിറ്റി: കുവൈത്തില്‍ കൊവിഡ് ബാധിച്ച് ഒരാള്‍ മരിച്ചു. ഇതോടെ കുവൈത്തില്‍ കൊവിഡ് ബാധിച്ച് മരിക്കുന്നവരുടെ എണ്ണം 503 ആയി. 622 പേര്‍ക്കാണ് ഇന്ന് രോഗബാധ സ്ഥിരീകരിച്ചിരിക്കുന്നത്. ഇതടക്കം ഇന്നു വരെ ആകെ രോഗം ബാധിച്ചവരുടെ എണ്ണം 76,827 ആയി. ഇന്ന് 498 പേരാണ് രോഗമുക്തരായത്. രാജ്യത്ത് ഇതുവരെ 68,633 പേര്‍ രോഗമുക്തിരായിട്ടുണ്ട്. നിലവില്‍ 7,692 പേരാണ് വിവിധ ആശുപത്രികളില്‍ ചികില്‍സയില്‍ കഴിയുന്നത്. ഇവരില്‍ 109 പേര്‍ തീവ്രപരിചരണ വിഭാഗത്തില്‍ കഴിയുന്നവരുമാണ്.

കഴിഞ്ഞ 24 മണിക്കൂറിനിടയില്‍ 4,334 പേര്‍ക്ക് കൊവിഡ് പരിശോധന നടത്തി. രാജ്യത്ത് ഇതുവരെ 55,63,134 പേരെയാണ് കൊവിഡ് പരിശോധനയ്ക്ക വിധേയരാക്കിയിട്ടുള്ളത്.