കാര്‍ പഞ്ചായത്ത് ഓഫീസിലേക്ക് ഇടിച്ചുകയറി; ദമ്പതികള്‍ക്ക് പരിക്ക്

കണ്ണൂര്‍: കാര്‍ പഞ്ചായത്ത് ഓഫീസിലേക്ക് ഇടിച്ചു കയറി ദമ്പതികള്‍ക്ക് പരിക്ക്. കണ്ണൂര്‍ കൊട്ടിയൂരിലുണ്ടായ അപകടത്തില്‍ പുല്‍പ്പള്ളി സ്വദേശികളായ ടോമി തോമസ്, ഭാര്യ ലൂസി എന്നിവര്‍ക്കാണ് പരിക്കേറ്റത്. പേരാവൂരില്‍ നിന്ന് പുല്‍പ്പള്ളിയിലേക്കുള്ള യാത്രക്കിടെ നിയന്ത്രണം വിട്ട കാര്‍ ഓഫീസിന്റെ ഗേറ്റ് തകര്‍ത്ത് കിണറിന്റെ മതിലില്‍ ഇടിച്ചു നില്‍ക്കുകയായിരുന്നു. നാട്ടുകാര്‍ കാര്‍ വെട്ടിപ്പൊളിച്ചാണ് പരിക്കേറ്റവരെ പുറത്തെടുത്തത്. ഗുരുതരമായി പരിക്കേറ്റ ഇരുവരും കണ്ണൂരിലെ സ്വകാര്യ ആശുപത്രിയില്‍ ചികിത്സയിലാണ്.