അമിത്ഷാ ആശുപത്രിവിട്ടു

ന്യൂഡല്‍ഹി: പന്നിപ്പനി ബാധിച്ച് ആള്‍ ഇന്ത്യാ ഇന്‍സ്റ്റിറ്റിയൂട്ട് ഓഫ് മെഡിക്കല്‍ സയന്‍സില്‍ (എഐഐഎംഎസ്) ചികില്‍സയിലായിരുന്ന ബിജെപി അധ്യക്ഷന്‍ അമിത്ഷാ ആശുപത്രിവിട്ടു. നെഞ്ച്‌വേദനയും ശ്വാസതടസ്സവും അനുഭവപ്പെട്ട അമിത്ഷായെ ബുധനാഴ്ചയാണ് ആശുപത്രിയില്‍ പ്രവേശിപ്പിച്ചത്. ഇന്നു രാവിലെ 10:20ഓടെ ആശുപത്രി വിട്ട അമിത്ഷാ വസതിയില്‍ വിശ്രമത്തിലാണ്. താന്‍ പരിപൂര്‍ണ ആരോഗ്യവാനാണെന്നും സൗഖ്യത്തിനായി പ്രാര്‍ഥിച്ച എല്ലാവര്‍ക്കും നന്ദി അറിയിക്കുന്നതായും ഷാ ട്വീറ്റ്‌ചെയ്തു.