അംബേദ്കർ ദിനം; എസ് ഡി പി ഐ പൊതുസമ്മേളനം സംഘടിപ്പിച്ചു

പാലക്കാട്: ഏപ്രിൽ 14 അംബേദ്കർ ദിനാചരണത്തിൻ്റെ ഭാഗമായി '" ഫാഷിസ്റ്റ് കാലത്തെ അംബേദ്കർ ചിന്തകൾ " എന്ന പ്രമേയമുയർത്തി കൊണ്ട് എസ് ഡി പി ഐ പാലക്കാട് ജില്ല കമ്മറ്റി പൊതുസമ്മേളനം നടത്തി. വൈകുന്നേരം 4 മണിക്ക് മുതലമട കാമ്പ്രത്ത്ചള്ളയിൽ വെച്ച് സംഘടിപ്പിച്ച പൊതുസമ്മേളനം എസ് ഡി പി ഐ സംസ്ഥാന സമിതിയംഗം വി എം ഫൈസൽ ഉത്ഘാടനം ചെയ്തു.

ജില്ലാ പ്രസിഡണ്ട് ഷെഹീർ ചാലിപ്പുറം അധ്യക്ഷത വഹിച്ചു. ജില്ലാ വൈസ് പ്രസിഡണ്ട് അലവി കെ ടി മനുഷ്യാവകാശ പ്രവർത്തകരായ വിളയോടി ശിവൻകുട്ടി ,കാർത്തികേയൻ മംഗലം , വി വരാവകാശ പ്രവർത്തകൻ,വി പി നിജാംമുദ്ധീൻ ,നെന്മാറ നിയോജക മണ്ഡലം പ്രസിഡൻ്റ് സക്കീർ ഹുസൈൻ സംസാരിച്ചു.

എസ് ഡി പി ഐ ജില്ലാ ട്രഷറർ എ വൈ കുഞ്ഞിമുഹമ്മദ്, ജില്ലാ സെക്രട്ടറി റുഖിയ അലി, ജില്ലാ കമ്മറ്റിയംഗം റാസിഖ് പാലക്കാട്, വിമൻ ഇന്ത്യ മൂവ്മെൻ്റ് സംസ്ഥാന സമിതിയംഗം സുലൈഖ റഷീദ് , നെന്മാറ നിയോജക മണ്ഡലം സെക്രട്ടറി ഹരിദാസൻ മുതലമട എന്നിവർ പങ്കെടുത്തു.