കൊച്ചിയില്‍ ട്രാവല്‍ ഏജന്‍സിയില്‍ തര്‍ക്കം; യുവതിക്ക് കുത്തേറ്റു

കൊച്ചി: ട്രാവല്‍ ഏജന്‍സിയിലുണ്ടായ തര്‍ക്കത്തിനിടെ യുവതിക്ക് കുത്തേറ്റു. എറണാകുളം രവിപുരത്തെ ട്രാവല്‍സില്‍ ജോലി ചെയ്യുന്ന സൂര്യയ്ക്ക് നേരെയാണ് ആക്രമണമുണ്ടായത്. ഇവരെ ആശുപത്രിയില്‍ പ്രവേശിപ്പിച്ചു. സംഭവത്തില്‍ ജയിംസ് എന്നയാളെ പോലിസ് കസ്റ്റഡിയിലെടുത്തു.

അറസ്റ്റിലായ ജയിംസ് ജോലിക്കുവേണ്ടി യുവതി ജോലിചെയ്യുന്ന ട്രാവല്‍സില്‍ ഒരുലക്ഷം രൂപ നല്‍കിയിരുന്നു. ഇതുമായി ബന്ധപ്പെട്ട് സൂര്യയുമായി തര്‍ക്കമുണ്ടാവുകയും ഇതിനിടെ യുവതിയെ കുത്തിപരിക്കേല്‍പ്പിക്കുകയുമായിരുന്നു. കഴുത്തില്‍ കുത്തേറ്റയുടനെ യുവതി ഇറങ്ങിയോടി. പോലിസ് വാഹനത്തിന് മുന്നിലെത്തിയ യുവതിയെ പോലിസുകാരാണ് ആശുപത്രിയിലെത്തിച്ചത്.