നിയമസഭാ സമ്മേളനം ഒക്ടോബര് നാല് മുതല്
തിരുവനന്തപുരം: 15-ാം കേരള നിയമസഭയുടെ 12-ാം സമ്മേളനം ഒക്ടോബര് നാല് മുതല് വിളിച്ചു ചേര്ക്കുന്നതിന് ഗവര്ണറോട് ശുപാര്ശ ചെയ്യാന് മന്ത്രിസഭായോഗം തീരുമാനിച്ചു.
ആറ് മൊബൈല് കോടതികളെ റഗുലര് ജുഡീഷ്യല് ഫസ്റ്റ് ക്ലാസ് മജിസ്ട്രേറ്റ് കോടതികളാക്കും
ആറ് മൊബൈല് കോടതികളെ റഗുലര് ജുഡീഷ്യല് ഫസ്റ്റ് ക്ലാസ് മജിസ്ട്രേറ്റ് കോടതികളാക്കും. തിരുവനന്തപും, ആലപ്പുഴ, കോട്ടയം, എറണാകുളം, കോഴിക്കോട്, കണ്ണൂര് എന്നിവിടങ്ങളിലെ മൊബൈല് കോടതികളെയാണ് മാറ്റുക. പുതുതായി 21 തസ്തികകള് സൃഷ്ടിക്കും. ക്രിമിനല് കോടതികളില് അനുവദിച്ചിട്ടുള്ള 16 തസ്തികകള് പരിവര്ത്തനം ചെയ്യും.
ഫാമിലി ബജറ്റ് സർവേ
1948-ലെ മിനിമം വേജസ് ആക്ടിൻ്റെ പരിധിയിൽ വരുന്ന തൊഴിലാളികളുടെ വേതനം പുതുക്കുന്നതുമായി ബന്ധപ്പെട്ട് പുതിയ ഉപഭോക്തൃ വില സൂചിക തയ്യാറാക്കുന്നതിനായി ഫാമിലി ബഡ്ജറ്റ് സർവ്വേ നടത്തും.
2023-24 അടിസ്ഥാന വർഷം കണക്കാക്കി എക്കണോമിക്സ് ആന്റ് സ്റ്റാറ്റിസ്റ്റിക്സ് വകുപ്പ് സമർപ്പിച്ച ശിപാർശ അംഗീകരിച്ചാണ് സര്വ്വേ. ഇതു സംബന്ധിച്ച കാര്യങ്ങളുടെ നിയന്ത്രണത്തിന് സംസ്ഥാനതല കൺസ്യൂമർ പ്രൈസ് ഇൻഡക്സ് റിവിഷൻ കമ്മിറ്റി രൂപീകരിക്കും.
ഡെപ്യൂട്ടി ഡയറക്ടര്-1, റിസര്ച്ച് അസിസ്റ്റന്റ്-1, എല്ഡി കമ്പയിലര്/ എല്ഡി ടൈപ്പിസ്റ്റ്-2 എന്നീ തസ്തികകൾ പതിനെട്ട് മാസത്തേക്ക് സൃഷ്ടിക്കും. പുനര്വിന്യാസം വഴി ഈ തസ്തികകളിലേയ്ക്ക് നിയമനം നടത്തും. പ്രതിദിനം 600 രൂപ വേതനത്തിൽ 22 ഫീൽഡ് വർക്കർമാരെയും പതിനെട്ട് മാസ കാലയളവിലേക്ക് നിയമിക്കും.
ഹോമിയോ ഡിസ്പെന്സറി
ആലുവ മുനിസിപ്പാലിറ്റിയില് നാഷ ഹല് ആയുഷ് മിഷന്റെ കാരുണ്യ പദ്ധതിയില് ഉള്പ്പെടുത്തി ഹോമിയോ ഡിസ്പെന്സറി ആരംഭിക്കും.
ജി എസ് സന്തോഷ് കരകൗശല വികസന കോര്പ്പറേഷന് എംഡി
കരകൗശല വികസന കോര്പ്പറേഷന് കേരള ലിമിറ്റഡില് മനേജിങ്ങ് ഡറയക്ടറായി ജി എസ് സന്തോഷിനെ നിയമിക്കും.
20 സെന്റ് സ്ഥലം സൈബര്പാര്ക്കിന്
കോഴിക്കോട് സൈബര്പാര്ക്കിനോട് ചെര്ന്ന് കിടക്കുന്ന 20 സെന്റ് സ്ഥലം സൈബര്പാര്ക്കിനായി ഏറ്റെടുക്കാന് ഭരണാനുമതി നല്കി.
സാധൂകരണം നൽകി
അഷ്ടമുടിക്കായലിലെ ദേശീയ ജലപാതയ്ക്ക് വേണ്ടി ഡ്രഡ്ജ് ചെയ്ത ഭാഗത്തെ സ്പോയിൽ ദേശീയ പാത 66- ന്റെ പ്രവൃത്തിക്ക് വില ഈടാക്കാതെ നല്കും. ഈ അനുമതി നല്കിയതിന് പൊതു താല്പര്യം മുന്നിര്ത്തി സാധൂകരണം നല്കാന് മന്ത്രിസഭായോഗം തീരുമാനിച്ചു. ഇത് ദേശീയപാതാ നിര്മ്മാണത്തിന് മാത്രമെ ഉപയോഗിക്കാവു എന്ന വ്യവസ്ഥയില് റോയൽറ്റി, സീനിയറേജ് ചാര്ജ് എന്നിവയില് ഇളവ് നൽകും.
RELATED STORIES
ബെംഗളൂരുവില് മെഡിക്കല് കോളജില് തീപിടിത്തം; ഐസിയുവില് പുനലൂര്...
19 Sep 2024 12:11 PM GMTനിര്ഭയ കേന്ദ്രത്തില്നിന്ന് കാണാതായ മൂന്നാമത്തെ പെണ്കുട്ടിയേയും...
19 Sep 2024 9:26 AM GMTനടി സെക്സ് മാഫിയയുടെ ഭാഗം; മുകേഷിനെതിരേ പരാതി ഉന്നയിച്ച നടിക്കെതിരേ...
19 Sep 2024 8:05 AM GMTനീതിയല്ല, നീതിയിലേക്കുള്ള ഒരു വാതില്കൂടി തുറന്നു; പ്രതികരണവുമായി...
19 Sep 2024 7:51 AM GMTഅരിയില് ഷുക്കൂര് വധം: സിപിഎം നേതാക്കള്ക്ക് തിരിച്ചടി; വിടുതല് ഹരജി ...
19 Sep 2024 7:25 AM GMTതലശ്ശേരിയില് ട്രെയിന് തട്ടി വിദ്യാര്ഥിനി മരിച്ച നിലയില്
19 Sep 2024 6:32 AM GMT