വിദ്യാലയത്തിലെ മോട്ടോര്‍ മോഷണശ്രമം: പ്രതി പിടിയില്‍

പരപ്പനങ്ങാടി: വിദ്യാലയത്തിലെ മോട്ടര്‍ മോഷ്ടിക്കാന്‍ ശ്രമിച്ച കേസിലെ പ്രതി പിടിയിലായി. കഴിഞ്ഞ ദിവസം പുലര്‍ച്ചെ 2:50 മണിക്ക് പരപ്പനങ്ങാടി ജിഎംഎല്‍പി സ്‌കൂളിലെ കിണറിന് അരികില്‍ വച്ചിട്ടുള്ള കോണ്‍ക്രീറ്റ് തറയില്‍ സ്ഥാപിച്ചിട്ടുള്ള ഇലക്ട്രിക് മോട്ടോര്‍ മോഷണം ചെയ്യാന്‍ ശ്രമിച്ച കേസിലാണ് താനൂര്‍ പനങ്ങാട്ടൂര്‍ സ്വദേശിയായ അറക്കല്‍ മുഹമ്മദിന്റെ മകന്‍ അബ്ദുല്‍ റസ്സാഖ് (46) എന്നയാളെ പരപ്പനങ്ങാടി പോലിസ് സബ് ഇന്‍സ്‌പെക്ടര്‍ ബാബുരാജ്, അബ്ദുല്‍ റഹിം, വിബീഷ് എന്നിവര്‍ ചേര്‍ന്ന് അറസ്റ്റ് ചെയ്തത്. താനൂര്‍ സ്വദേശിയായ പ്രതി ഭാര്യയുമായി പിണങ്ങി പല സ്ഥലങ്ങളിലായിട്ട് അലഞ്ഞുതിരിഞ്ഞുനടക്കുന്ന ഒരു സ്വഭാവക്കാരനാണ്. ഇയാള്‍ക്ക് മുമ്പ് വേങ്ങര താമരശ്ശേരി എന്നീ പോലീസ് സ്‌റ്റേഷനുകളില്‍ കളവ് കേസുകള്‍ നിലവിലുള്ളതാണ്‌