സെക്രട്ടറിയേറ്റിലും പരിസരത്തും സിനിമ സീരിയല്‍ ചിത്രീകരണത്തിന് നിരോധനം

തിരുവനന്തപുരം: സെക്രട്ടറിയേറ്റിലും പരിസരത്തും സിനിമസീരിയല്‍ ചിത്രീകരണങ്ങള്‍ക്ക് നിരോധനം ഏര്‍പ്പെടുത്തി. സുരക്ഷ കണക്കിലെടുത്താണ് തീരുമാനം എന്നാണ് ആഭ്യന്തര വകുപ്പിന്റെ വിശദീകരണം.

സിനിമാസീരിയല്‍ ചിത്രീകരണ അനുമതി തേടിയുള്ള അപേക്ഷകള്‍ സര്‍ക്കാര്‍ തള്ളി.അതീവ സുരക്ഷാ മേഖലയായത് കൊണ്ടാണ് ചിത്രീകരണങ്ങള്‍ക്ക് വിലക്കേര്‍പ്പെടുത്തിയതെന്ന് ആഭ്യന്തര വകുപ്പ് അറിയിച്ചു.പിആര്‍ഡിയുടെ നേതൃത്വത്തില്‍ ഔദ്യോഗിക ചിത്രീകരണങ്ങള്‍ നടത്തുന്നതിന് വിലക്കില്ല.