കുഞ്ഞിന്റെ മരണം നാണയം വിഴുങ്ങിയതു കാരണമല്ലെന്ന് രാസപരിശോധനാ ഫലം
നാണയം വിഴുങ്ങി ആശുപത്രിയില് എത്തി ചികിത്സ തേടിയതിനു പിന്നാലെ കുട്ടി മരിച്ചതിനു കാരണം ചികിത്സാ പിഴവാണെന്ന് ആരോപണമുയര്ന്നിരുന്നു.
![കുഞ്ഞിന്റെ മരണം നാണയം വിഴുങ്ങിയതു കാരണമല്ലെന്ന് രാസപരിശോധനാ ഫലം കുഞ്ഞിന്റെ മരണം നാണയം വിഴുങ്ങിയതു കാരണമല്ലെന്ന് രാസപരിശോധനാ ഫലം](https://www.thejasnews.com/h-upload/2020/08/21/119789-ab918e4b-021b-4cd4-931f-5ee2e4e5a663.jpg)
കൊച്ചി: ആലുവയില് നാണയം വിഴുങ്ങി കുട്ടി മരിച്ച സംഭവത്തില് മരണ കാരണം ശ്വാസതടസമെന്ന് രാസപരിശോധന ഫലം. ആന്തരിക അവയവ പരിശോധനയില് അസ്വാഭാവികമായി ഒന്നും കണ്ടെത്താന് കഴിഞ്ഞിട്ടില്ലെന്നും റിപ്പോര്ട്ടിലുണ്ട്. ആലുവ കടുങ്ങല്ലൂര് സ്വദേശിയായ മൂന്ന് വയസുകാരന് പൃഥ്വിരാജിന്റെ മരണം നാണയം വിഴുങ്ങിയതു കാരണമല്ല, ശ്വാസ തടസമാണ് കുട്ടിയുടെ മരണത്തിന് കാരണമായതെന്നാണ് ഇതോടെ വ്യക്തമായത്.
നാണയം വിഴുങ്ങി ആശുപത്രിയില് എത്തി ചികിത്സ തേടിയതിനു പിന്നാലെ കുട്ടി മരിച്ചതിനു കാരണം ചികിത്സാ പിഴവാണെന്ന് ആരോപണമുയര്ന്നിരുന്നു. സംഭവദിവസം കുട്ടിയെ ആലുവ താലൂക്ക് ആശുപത്രി, എറണാകുളം ജനറല് ആശുപത്രി, ആലപ്പുഴ മെഡിക്കല് കോളേജ് എന്നിവിടങ്ങളില് എത്തിച്ചിരുന്നു. എന്നാല് പഴവും വെള്ളവും കൊടുത്താല് മതിയെന്ന് ഉപദേശിച്ച് ഡോക്ടര്മാര് മടക്കി അയച്ചെന്നും ചികില്സിച്ചില്ലെന്നുമായിരുന്നു ബന്ധുക്കളുടെ ആരോപണം. ആലുവ ജില്ലാ ആശുപത്രിക്കെതിരെയായിരുന്നു കുഞ്ഞിന്റെ അമ്മയും ബന്ധുക്കളും ആരോപണമുന്നയിച്ചത്. എന്നാല് മരണത്തില് ആശുപത്രികള്ക്ക് വീഴ്ചയില്ലെന്ന് ആരോഗ്യവകുപ്പ് നടത്തിയ അന്വേഷണത്തില് കണ്ടെത്തിയിരുന്നു. പോസ്റ്റ്മോര്ട്ടത്തില് കുട്ടിയുടെ വന്കുടലിന്റെ ഭാഗത്ത് നിന്നും രണ്ട് നാണയങ്ങള് കണ്ടെത്തിയിരുന്നു. ആന്തരിക അവയവങ്ങളുടെ രാസ പരിശോധന ഫലം വന്നാല് മാത്രമേ മരണകാരണം വ്യക്തമാകൂ എന്നായിരുന്നു പോസ്റ്റ്മോര്ട്ടം നടത്തിയ ഡോക്ടര്മാര് അന്ന് പറഞ്ഞിരുന്നത്.
RELATED STORIES
ആര്എസ്എസ് ക്യാംപിലെത്തി, ജനറല് സെക്രട്ടറിയുമായി ചർച്ച നടത്തി;...
7 Sep 2024 4:58 AM GMT'കശ്മീരി സ്ത്രീയുമായി ബന്ധം, എയര്ഹോസ്റ്റസുമാരുമായി പ്രണയം';...
6 Sep 2024 3:52 PM GMTഅസം മുഖ്യമന്ത്രിയുടെ വര്ഗീയ വിദ്വേഷ പ്രവര്ത്തനങ്ങള് നിയന്ത്രിക്കണം: ...
6 Sep 2024 6:26 AM GMTപോലിസിലെ ഉന്നതര് ബലാല്സംഗം ചെയ്തു; ഞെട്ടിക്കുന്ന വെളിപ്പെടുത്തലുമായി ...
6 Sep 2024 4:52 AM GMTഒടുവില് എസ്പി തെറിച്ചു; പത്തനംതിട്ട എസ് പി സുജിത്ത് ദാസിന്...
5 Sep 2024 3:38 PM GMTകൊടിഞ്ഞി ഫൈസല് വധം: അഡ്വ. പി ജി മാത്യു സ്പെഷ്യല് പബ്ലിക്...
5 Sep 2024 1:09 PM GMT