എഎസ്‌ഐ നൗഷാദിന് മുഖ്യമന്ത്രിയുടെ പോലിസ് മെഡല്‍

കല്‍പ്പറ്റ: തൊണ്ടര്‍നാട് പോലിസ് സ്‌റ്റേഷനിലെ അസി.സബ് ഇന്‍സ്‌പെക്ടര്‍ എ നൗഷാദിന് വിശിഷ്ട സേവനത്തിനുള്ള മുഖ്യമന്ത്രിയുടെ പോലിസ് മെഡല്‍. പോലിസ് സേനയിലെ സേവനത്തിന്റെയും സമര്‍പ്പണത്തിന്റെയും പ്രതിബദ്ധതയുടെയും മികവിനാണ് അംഗീകാരം. 2018ല്‍ സംസ്ഥാന പോലിസ് മേധാവിയുടെ ബാഡ്ജ് ഓഫ് ഹോണറും നൗഷാദ് നേടിയിരുന്നു. പേരാമ്പ്ര നടുവണ്ണൂര്‍ മൂലാട് സ്വദേശിയാണ്. ഭാര്യ: ഹസീന. മക്കള്‍: അയിഷ നേഹ, അസിന്‍ റൈഹാന. മാനന്തവാടി, വെള്ളമുണ്ട, തലപ്പുഴ സ്‌റ്റേഷനുകളില്‍ ജോലി ചെയ്തിട്ടുണ്ട്.