ശിശുക്ഷേമസമിതി ഭരണസമിതി തിരഞ്ഞെടുപ്പ്: പരാതികള്‍ 25 വരെ

തിരുവനന്തപുരം: കേരള സ്‌റ്റേറ്റ് കൗണ്‍സില്‍ ഫോര്‍ ചൈല്‍ഡ് വെല്‍ഫെയര്‍ ഭരണസമിതി തിരഞ്ഞെടുപ്പ് വോട്ടര്‍ പട്ടികയില്‍ ആക്ഷേപം സമര്‍പ്പിക്കുന്നതിനുള്ള സമയം ജനുവരി 25ന് വൈകിട്ട് അഞ്ചിന് അവസാനിക്കും. നാമനിര്‍ദേശ പത്രിക സമര്‍പ്പിക്കുന്നതിനുള്ള അവസാന തിയ്യതി ഫെബ്രുവരി 8ന് വൈകീട്ട് അഞ്ചുവരെയാണ്.

ഭരണസമിതി തിരഞ്ഞെടുപ്പ് ഫെബ്രുവരി 24ന് രാവിലെ 10 മുതല്‍ 4 വരെയാണ് നടക്കുന്നത്. വോട്ടെടുപ്പിന് ഹാജരാകുന്ന ആജീവനാന്ത അംഗങ്ങള്‍ കൗണ്‍സില്‍ നല്‍കിയ ഫോട്ടോ പതിപ്പിച്ച ഐഡന്റിറ്റി കാര്‍ഡ് (നിബന്ധിത രേഖ) കൂടാതെ ആധാര്‍ കാര്‍ഡ്/ ഇലക്ഷന്‍ ഐഡന്റിറ്റി കാര്‍ഡിന്റെ അസലും കൊണ്ടുവരണം. ഫോട്ടോ പതിപ്പിച്ച ഐഡന്റിറ്റി കാര്‍ഡ് നഷ്ടപ്പെട്ടവര്‍ കൗണ്‍സില്‍ ഓഫിസില്‍ അപേക്ഷ നല്‍കി ഡ്യൂപ്ലിക്കേറ്റ് വാങ്ങണം.