ഒരു ഉത്തര്‍പ്രദേശ് മന്ത്രിക്കു കൂടി കൊവിഡ്

ഗുരുഗ്രാം: ഉത്തര്‍പ്രദേശിലെ ഒരു മന്ത്രിക്കു കൂടി കൊവിഡ് സ്ഥിരീകരിച്ചു. മുന്‍ ഇന്ത്യന്‍ ക്രിക്കറ്റ് ടീം അംഗവും ഉത്തര്‍പ്രദേശിലെ മന്ത്രിയുമായ ചേതന്‍ ചൗഹാനാണ് കൊവിഡ് സ്ഥിരീകരിച്ചത്. ഗുരുഗ്രാമിലെ മെദാന്ത ആശുപത്രിയില്‍ പ്രവേശിപ്പിച്ച അദ്ദേഹത്തിന്റെ നില ആശങ്കാജനകമാണെന്ന് ആശുപത്രിവൃത്തങ്ങള്‍ അറിയിച്ചു.

ആഗസ്റ്റ് 2ന് കേന്ദ്ര ആഭ്യന്തര മന്ത്രി അമിത് ഷായെ കൊവിഡ് ബാധയെ തുടര്‍ന്ന് ഇതേ ആശുപത്രിയില്‍ പ്രവേശിപ്പിച്ചിരുന്നു. വെള്ളിയാഴ്ച നടത്തിയ പരിശോധനയില്‍ അമിത്ഷാ നെഗറ്റീവായി. അദ്ദേഹത്തോട് വീട്ടില്‍ വിശ്രമിക്കാന്‍ ഡോക്ടര്‍മാര്‍ നിര്‍ദേശിച്ചു. നേരത്തെ ഉത്തര്‍പ്രദേശ് മന്ത്രിസഭയിലെ രണ്ട് പേര്‍ക്ക് കൊവിഡ് ബാധിച്ചിരുന്നു. അതില്‍ കമലാ റാണി വരുണ്‍ അന്തരിച്ചു.