കോഴിക്കോട് ജില്ലയില്‍ 91.61 % പേര്‍ ആദ്യ ഡോസ് വാക്‌സിന്‍ സ്വീകരിച്ചു

കോഴിക്കോട്: ജില്ലയില്‍ 91.61 % പേര്‍ ആദ്യ ഡോസ് വാക്‌സിന്‍ സ്വീകരിച്ചു. ഇതുവരെ 31,22,160 ഡോസ് കോവിഡ് പ്രതിരോധ വാക്‌സിന്‍ വിതരണം ചെയ്തു. ഇതില്‍ 22,26,882 ആളുകള്‍ (91.61 %) ആദ്യ ഡോസും 8,95,278പേര്‍ (40 .20%) രണ്ടാം ഡോസും സ്വീകരിച്ചു.

18 നും 45 നുമിടയില്‍ പ്രായമുള്ളവരില്‍ 9,90102പേര്‍ ആദ്യ ഡോസും 1,73791പേര്‍ രണ്ടാം ഡോസ് വാക്‌സിനും സ്വീകരിച്ചു. 45നും 60 നുമിടയില്‍ പ്രായമുള്ളവരില്‍ 6,17,371 പേര്‍ ആദ്യ ഡോസ് വാക്‌സിനും 3,06,938 പേര്‍ രണ്ടാം ഡോസ് വാക്‌സിനും സ്വീകരിച്ചു. 60 വയസിന് മുകളിലുള്ള 5,11,444പേര്‍ ആദ്യ ഡോസ് വാക്‌സിനും 3,20,209 പേര്‍ രണ്ടാം ഡോസ് വാക്‌സിനും സ്വീകരിച്ചു.

ആരോഗ്യ പ്രവര്‍ത്തകരില്‍ 52,717 പേര്‍ ആദ്യ ഡോസും 45,072 പേര്‍ രണ്ടാം ഡോസും സ്വീകരിച്ചു. മറ്റ് കോവിഡ് മുന്‍നിര പോരാളികളില്‍ 55,248 പേര്‍ ആദ്യ ഡോസും 49,268 പേര്‍ രണ്ടാം ഡോസ് വാക്‌സിനും സ്വീകരിച്ചു.