എറണാകുളം ജില്ലയില്‍ 350 പേര്‍ക്ക് കൊവിഡ് സ്ഥിരീകരിച്ചു

കൊച്ചി; എറണാകുളം ജില്ലയില്‍ 24 മണിക്കൂറിനുളളില്‍ 350 പേര്‍ക്ക് കൊവിഡ് സ്ഥിരീകരിച്ചു. അതില്‍ വിദേശത്തുനിന്നെത്തിയ ആരും തന്നെയില്ല. സമ്പര്‍ക്കം വഴി രോഗം സ്ഥിരീകരിച്ചവര്‍ 319 പേരാണ്. ഉറവിടമറിയാത്തവര്‍ 29ഉം ആരോഗ്യ പ്രവര്‍ത്തകര്‍ 2ഉം രോഗമുക്തി നേതിയവര്‍ 56 ഉം പേരാണ് ഉള്ളത്.

ഇന്ന് 393 പേരെ കൂടി ജില്ലയില്‍ പുതുതായി വീടുകളില്‍ നിരീക്ഷണത്തിലാക്കി. നിരീക്ഷണ കാലയളവ് അവസാനിച്ച 662 പേരെ നിരീക്ഷണ പട്ടികയില്‍ നിന്നും ഒഴിവാക്കുകയും ചെയ്തു. വീടുകളില്‍ നിരീക്ഷണത്തില്‍ ഉള്ളവരുടെ ആകെ എണ്ണം 4,404 ആണ്.

ജില്ലയില്‍ കൊവിഡ് രോഗം സ്ഥിരീകരിച്ച് ചികിത്സയില്‍ കഴിയുന്നവരുടെ എണ്ണം 2,875 ആണ്.

ഇന്ന് ജില്ലയില്‍ നിന്നും കൊവിഡ് 19 പരിശോധനയുടെ ഭാഗമായി സര്‍ക്കാര്‍ സ്വകാര്യ മേഖലകളില്‍ നിന്നും 5,008 സാംപിളുകള്‍ കൂടി പരിശോധനയ്ക്ക് അയച്ചിട്ടുണ്ട്. ഇന്ന് നടന്ന കൊവിഡ് വാക്‌സിനേഷനില്‍ വൈകിട്ട് 5.30 വരെ ലഭ്യമായ വിവരമനുസരിച്ച് 4,548 ഡോസ് വാക്‌സിനാണ് വിതരണം ചെയ്തത്. ഇതില്‍ 362 ആദ്യ ഡോസും, 2,873 സെക്കന്റ് ഡോസുമാണ്. കോവിഷീല്‍ഡ് 3,381 ഡോസും, 1,166 ഡോസ് കോവാക്‌സിനും 1 ഡോസ് സ്പുടിനിക് വാക്‌സിനുമാണ് വിതരണം ചെയ്തത്.

ആരോഗ്യ പ്രവര്‍ത്തകര്‍ക്കും, മുന്നണിപ്പോരാളികള്‍ തുടങ്ങിയവര്‍ക്കുള്ള കരുതല്‍ ഡോസായി 1,313 ഡോസ് വാക്‌സിനാണ് ഇന്ന് വിതരണം ചെയ്തത്. ആകെ 1,00,251 ഡോസ് മുന്‍കരുതല്‍ ഡോസ് നല്‍കി.

ജില്ലയില്‍ ഇതുവരെ 60,07,816 ഡോസ് വാക്‌സിനാണ് നല്‍കിയത്. 32,12,762 ആദ്യ ഡോസ് വാക്‌സിനും, 26,94,803 സെക്കന്റ് ഡോസ് വാക്‌സിനും നല്‍കി. ഇതില്‍ 52,20,314 ഡോസ് കോവിഷീല്‍ഡും, 7,70,764 ഡോസ് കോവാക്‌സിനും, 16,738 ഡോസ് സുപ്ട്‌നിക് വാക്‌സിനുമാണ്.