തൃശ്ശൂര്‍ ജില്ലയില്‍ 3,282 പേര്‍ക്ക് കൂടി കൊവിഡ്; 2,161 പേര്‍ക്ക് രോഗമുക്തി

തൃശ്ശൂര്‍: ജില്ലയില്‍ ചൊവ്വാഴ്ച്ച (11/05/2021) 3,282 പേര്‍ക്ക് കൂടി കൊവിഡ്-19 സ്ഥിരീകരിച്ചു. 2,161 പേര്‍ രോഗമുക്തരായി. ജില്ലയില്‍ രോഗബാധിതരായി ചികിത്സയില്‍ കഴിയുന്നവരുടെ എണ്ണം 52,231 ആണ്. തൃശ്ശൂര്‍ സ്വദേശികളായ 84 പേര്‍ മറ്റു ജില്ലകളില്‍ ചികിത്സയി കഴിയുന്നു. ജില്ലയില്‍ ഇതുവരെ കൊവിഡ് സ്ഥിരീകരിച്ചവരുടെ എണ്ണം 1,87,794 ആണ്. 1,34,596 പേരെയാണ് ആകെ രോഗമുക്തരായി ഡിസ്ചാര്‍ജ്ജ് ചെയ്തത്. ഇന്നത്തെ ടെസ്റ്റ് പോസിറ്റിവിറ്റി റേറ്റ് 23.34% ആണ്.

ജില്ലയില്‍ ചൊവ്വാഴ്ച്ച സമ്പര്‍ക്കം വഴി 3,257 പേര്‍ക്കാണ് രോഗം സ്ഥിരീകരിച്ചത്. കൂടാതെ സംസ്ഥാനത്തിന് പുറത്തുനിന്ന് എത്തിയ 11 പേര്‍ക്കും, 09 ആരോഗ്യ പ്രവര്‍ത്തകര്‍ക്കും, ഉറവിടം അറിയാത്ത 05 പേര്‍ക്കും രോഗബാധ ഉണ്ടായിട്ടുണ്ട്.

രോഗ ബാധിതരില്‍ 60 വയസ്സിനുമുകളില്‍ 224 പുരുഷന്‍മാരും 277 സ്ത്രീകളും പത്ത് വയസ്സിനു താഴെ 118 ആണ്‍കുട്ടികളും 77 പെണ്‍കുട്ടികളുമുണ്ട്.

രോഗം സ്ഥിരീകരിച്ച് ചികിത്സയില്‍ കഴിയുന്നവര്‍-

തൃശ്ശൂര്‍ ഗവ. മെഡിക്ക കോളേജില്‍ - 517

വിവിധ കോവിഡ് ഫസ്റ്റ് ലൈന്‍ ട്രീറ്റ്‌മെന്റ് സെന്ററുകളില്‍- 1224

സര്‍ക്കാര്‍ ആശുപത്രികളില്‍- 368

സ്വകാര്യ ആശുപത്രികളില്‍ - 977

കൂടാതെ 45,863 പേര്‍ വീടുകളിലും ചികിത്സയില്‍ കഴിയുന്നുണ്ട്.

3,300 പേര്‍ പുതിയതായി ചികിത്സയില്‍ പ്രവേശിച്ചതില്‍ 482 പേര്‍ ആശുപത്രിയിലും 2818 പേര്‍ വീടുകളിലുമാണ്.

14,064 സാംപിളുകളാണ് പരിശോധനയ്ക്ക് എടുത്തത്. ഇതില്‍ 8,627 പേര്‍ക്ക് ആന്റിജന്‍ പരിശോധനയും, 4,949 പേര്‍ക്ക് ആര്‍ടി-പിസിആര്‍ പരിശോധനയും, 488 പേര്‍ക്ക് ട്രുനാറ്റ്/സിബിനാറ്റ് പരിശോധനയുമാണ് നടത്തിയത്. ജില്ലയില്‍ ഇതുവരെ ആകെ 15,33,048 സാംപിളുകളാണ് പരിശോധനയ്ക്ക് അയച്ചത്.