സിപിഎ ലത്തീഫിന് വരവേല്‍പ്പ് നല്‍കി

തിരൂര്‍: എസ്ഡിപിഐ ദേശീയ സെക്രട്ടരിയേറ്റിലേക്ക് തിരഞ്ഞെടുക്കപ്പെട്ട സിപിഎ ലത്തീഫിന് പ്രവര്‍ത്തകര്‍ തിരൂര്‍ റയില്‍വേ സ്‌റ്റേഷനില്‍ വരവേല്‍പ്പ് നല്‍കി. നവമ്പര്‍ 22, 23 തിയ്യതികളില്‍ ചെന്നൈയില്‍ വെച്ച് നടന്ന ദേശീയ പ്രതിനിധി സഭയില്‍ വെച്ചാണ് 2021-2024 ടേമിലേക്കുള്ള ദേശീയ നേതൃത്വത്തെ തിരഞ്ഞെടുത്തത്.എം കെ ഫൈസിയാണ് ദേശീയ പ്രസിഡന്റ്. സ്വീകരണത്തിന് ജില്ലാ വൈസ് പ്രസിഡന്റ് എ സൈതലവി ഹാജി, തിരൂര്‍ മണ്ഡലം പ്രസിഡന്റ്് ജുബൈര്‍ കല്ലന്‍ സെക്രട്ടരി നജീബ്, ഉസ്മാന്‍ഹാജി കോട്ടക്കല്‍, അക്ബര്‍ പരപ്പനങ്ങാടി, സദഖത്ത് താനൂര്‍, തിരൂര്‍ മുനിസിപ്പല്‍ സെക്രട്ടറി ഇബ്രാഹിം,സബ്ക ഷാഫി നേതൃത്വം നല്‍കി.