സിഎസ്ആര്‍ ഫണ്ട് തട്ടിപ്പ്; അനന്തുകൃഷ്ണന്‍ ബിജെപി നേതാവിന് വേണ്ടപ്പെട്ടയാള്‍

കൊച്ചി: സിഎസ്ആര്‍ ഫണ്ട് തട്ടിപ്പ്‌കേസിലെ പ്രതി തൊടുപുഴ കുടയത്തൂര്‍ സ്വദേശി അനന്തുകൃഷ്ണന്‍ ബിജെപി നേതാവിന് വേണ്ടപ്പെട്ടയാള്‍. അനന്തുകൃഷ്ണന്‍ കോ-ഓര്‍ഡിനേറ്ററായ നാഷണല്‍ എന്‍ജിയോസ് കോണ്‍ഫെഡറേഷനും ബിജെപി സംസ്ഥാന വൈസ് പ്രസിഡന്റ് എ എന്‍ രാധാകൃഷ്ണനും നേതൃത്വം നല്‍കുന്ന സന്നദ്ധസംഘടനകളും ചേര്‍ന്നാണ് പകുതിവിലയ്ക്ക് ഇരുചക്രവാഹനങ്ങള്‍ സ്ത്രീകള്‍ക്ക് നല്‍കുന്ന പദ്ധതിക്ക് തുടക്കമിട്ടതെന്നാണ് റിപോര്‍ട്ടുകള്‍.

എ എന്‍ രാധാകൃഷ്ണന്‍ ചെയര്‍മാനായ സൊസൈറ്റി ഫോര്‍ ഇന്റഗ്രേറ്റഡ് ഗ്രോത്ത് ഓഫ് ദി നേഷന്‍ (സൈന്‍) സംഘടനയുമായി ചേര്‍ന്ന് സംസ്ഥാനത്തിന്റെ വിവിധ ഭാഗങ്ങളില്‍ ഇരുചക്രവാഹനങ്ങള്‍ വിതരണം ചെയ്യുന്ന പരിപാടികള്‍ ഇവര്‍ സംഘടിപ്പിച്ചിരുന്നു.

അതേസമയം, സ്‌കൂട്ടര്‍ വിതരണ പദ്ധതിയില്‍ എത്തിയ പണം തങ്ങള്‍ കൈപ്പറ്റിയിട്ടില്ലെന്നാണ് എ എന്‍ രാധാകൃഷ്ണന്‍ പറയുന്നത്. സൈന്‍ എന്ന സംഘടന ഇരയാക്കപ്പെട്ടതാണെന്നും . ഇരയായതിന്റെ പരിഗണന തനിക്ക് ലഭിക്കണമെന്നുമാണ് രാധാകൃഷ്ണന്റെ വാദം.