'കുഴല്‍' പോലുള്ള തണ്ടിലാണ് എല്ലാ താമരകളും നില്‍ക്കുന്നത്, ചെളിയിലാണ് സാധാരണ വളരുന്നത്'- ബിജെപിയെ പരിഹസിച്ച് ദീപ നിശാന്ത്

തിരുവനന്തപുരം: കുഴല്‍പണ വിവാദത്തില്‍പെട്ട ബിജെപിയെ രൂക്ഷമായി പരിഹസിച്ച് എഴുത്തുകാരിയും അധ്യാപികയുമായ ദീപ നിശാന്ത്.

'കുഴല്‍' പോലുള്ള തണ്ടിലാണ് എല്ലാ താമരകളും നില്‍ക്കുന്നത്.. നെലുമ്പോ നൂസിഫെറാ എന്നാണ് താമരയുടെ ശാസ്ത്രീയ നാമം. ചെളിയിലാണ് സാധാരണ വളരുന്നത്'- എന്നായിരുന്നു ദീപയുടെ ഫേസ് ബുക് പോസ്റ്റ്.

ചുവടെ കുഴല്‍ രൂപത്തിലുള്ള തണ്ടോട് കൂടി വിരിഞ്ഞു നില്‍ക്കുന്ന താമരപ്പൂവിന്റെ ചിത്രവുണ്ട്.

ബിജെപി ഈ നിയമസഭ തിരഞ്ഞെടുപ്പില്‍ 400 കോടി രൂപയുടെ ഹവാല പണം കേരളത്തിലേക്ക് ഒഴുക്കിയെന്നാണ് ആരോപണം.