പകുതിവില വാഗ്ദാന തട്ടിപ്പ്: കോൺഗ്രസ് നേതാവിൻ്റെ വീട് സീൽ ചെയ്തു

ഇടുക്കി: പകുതിവില വാഗ്ദാന തട്ടിപ്പ് കേസിൽ കോൺ​ഗ്രസ് നേതാവ് ഷീബ സുരേഷിന്റെ കുമളിയിലെ വീട് എൻഫോഴ്സ്മെന്റ് ഡയറക്ടറേറ്റ് സീൽ ചെയ്തു. കുമളി മുൻ പഞ്ചായത്ത് പ്രസിഡന്റും മഹിള കോൺ​ഗ്രസ് ഇടുക്കി ജില്ലാ സെക്രട്ടറിയുമാണ് ഷീബ സുരേഷ്.

ഷീബ നിരവധി പേരെ പദ്ധതിയിൽ ചേർത്തുവെന്നും തട്ടിപ്പ് പുറത്തറിഞ്ഞതോടെ വിദേശത്തേക്ക് കടക്കുകയായിരുന്നെന്നും പോലിസ് പറഞ്ഞു. തിരുവനന്തപുരം അടക്കമുള്ള ജില്ലകളുടെ ചുമതല ഷീബയ്ക്കായിരുന്നുവെന്നാണ് വിവരം.തട്ടിപ്പിൽ ഇ ഡി സ്വമേധയാ കേസ് എടുത്തു.