പറന്നുയരുന്നതിന് മുമ്പ് ഇന്‍ഡിഗോ വിമാനത്തിന്റെ എന്‍ജിന് തീപ്പിടിച്ചു

ന്യൂഡല്‍ഹി: ഡല്‍ഹി വിമാനത്താവളത്തില്‍നിന്ന് പറന്നുയരുന്നതിന് തൊട്ടുമുമ്പ് ഇന്‍ഡിഗോ വിമാനത്തിന്റെ എന്‍ജിന് തീപ്പിടിച്ചു. ബംഗളൂരുവിലേക്ക് വെള്ളിയാഴ്ച രാത്രി 10 മണിക്ക് പുറപ്പെടേണ്ടിയിരുന്ന 6ഋ 2131 വിമാനത്തിന്റെ എന്‍ജിനുകളിലൊന്നിലാണ് തീ കണ്ടത്. ഇതിന്റെ വീഡിയോ ദൃശ്യങ്ങള്‍ പുറത്തുവന്നിട്ടുണ്ട്. ടേക്ക് ഓഫ് ഒഴിവാക്കി ഉടന്‍ വിമാനം സുരക്ഷിതസ്ഥാനത്തേക്ക് മാറ്റിയതിനാല്‍ അപകടമൊഴിവായി.

റണ്‍വേയിലൂടെ ഓടിത്തുടങ്ങിയിരുന്ന വിമാനം തീപടര്‍ന്നനിലയില്‍ കുറച്ചുകൂടി നീങ്ങിയ ശേഷമാണ് നിര്‍ത്താനായത്. 177 യാത്രക്കാരും ഏഴ് ജീവനക്കാരുമാണ് വിമാനത്തിലുണ്ടായിരുന്നത്. എല്ലാവരും സുരക്ഷിതരാണെന്നും യാത്രക്കാര്‍ക്കായി മറ്റൊരു വിമാനം ഏര്‍പ്പെടുത്തിയെന്നും വിമാനക്കമ്പനിയും ഡല്‍ഹി പോലിസും അറിയിച്ചു. യാത്രക്കാര്‍ക്കുണ്ടായ അസൗകര്യത്തില്‍ ഖേദിക്കുന്നതായി കമ്പനി കൂട്ടിച്ചേര്‍ത്തു. യാത്രക്കാര്‍ അര്‍ധരാത്രിയോടെ മറ്റൊരു വിമാനത്തില്‍ യാത്രയായി.

On Camera, IndiGo Planes Engine Catches Fire During Take-Off In Delhi https://t.co/Q3XPWKhpLL pic.twitter.com/EfZpJd6sNq

— NDTV (@ndtv) October 28, 2022