ആര്‍എസ്എസ് കേന്ദ്രത്തില്‍ നിന്നും എക്‌സൈസ് സംഘം മാരകായുധങ്ങള്‍ കണ്ടെത്തി

മട്ടന്നൂര്‍: ഓണം സ്‌പെഷ്യല്‍ െ്രെഡവിന്റെ ഭാഗമായി എക്‌സൈസ് സംഘം നടത്തിയ പരിശോധനക്കിടെ ആര്‍എസ്എസ് കേന്ദ്രത്തില്‍ നിന്നും മാരകായുധങ്ങള്‍ കണ്ടെത്തി. മട്ടന്നൂര്‍ റെയിഞ്ച് എക്‌സൈസ് ഇന്‍സ്‌പെക്ടര്‍ എ കെ വിജേഷിന്റെ നേതൃത്വത്തില്‍ ശിവപുരം ഭാഗത്ത് നടത്തിയ പരിശോധനയിലാണ് പി വി സി പൈപ്പിനുള്ളില്‍ കാട്ടില്‍ ഒളിപ്പിച്ച അഞ്ച് വടിവാളുകള്‍ കണ്ടെത്തിയത്.

മാലൂര്‍ പോലീസില്‍ വിവരമറിയിച്ചതിനെ തുടര്‍ന്ന് എസ് ഐ വിനോദിന്റെ നേതൃത്വത്തിലുള്ള സംഘവും ബോംബ് സ്‌ക്വാഡും പരിശോധന നടത്തി. എക്‌സൈസ് സംഘത്തില്‍ പ്രിവന്റീവ് ഓഫീസര്‍ കെ ആനന്ദകൃഷ്ണന്‍,സിവില്‍ എക്‌സൈസ് ഓഫീസര്‍മാരായ ടി ഒ വിനോദ്,എം പി ഹാരിസ്,വി എന്‍ സതീഷ് എന്നിവരും ഉണ്ടായിരുന്നു.