കൊവിഡ് ബോധവല്‍ക്കരണ വാഹന പ്രചരണത്തിന് തുടക്കമായി

അരീക്കോട്: അരീക്കോട് പോലീസും താലൂക്ക് ദുരന്തനിവാരണ സേനയും, കടുങ്ങല്ലൂര്‍ ഹുദാ ലൈറ്റ് & സൗണ്ടുമായി സഹകരിച്ച് നടത്തുന്ന കൊവിഡ് ബോധവല്‍ക്കരണ വാഹന പ്രചരണത്തിന് തുടക്കമായി. ഇന്‍സ്‌പെക്ടര്‍ എ ഉമേഷ് ഫ്‌ലാഗ് ഓഫ് നിര്‍വഹിച്ചു.അരീക്കോട് പോലീസ് സ്റ്റേഷന്‍ പരിധിയിലെ എല്ലാ പഞ്ചായത്തുകളിലും അനൗണ്‍സ്‌മെന്റ് വാഹനം എത്തും . ട്രിപ്പിള്‍ ലോക്ക് ഡൗണ്‍ പുതിയ നിയമങ്ങള്‍ എല്ലാം പ്രതിപാദിച്ചാണ് അനൗണ്‍സ്മെന്റ് തയ്യാറാക്കിയത്. ഫ്‌ലാഗ് ഓഫ് ചടങ്ങിന് താലൂക്ക് ദുരന്തനിവാരണ സേന ചീഫ് കോഡിനേറ്റര്‍ ഉമറലി ശിഹാബ് അദ്ധ്യക്ഷത വഹിച്ചു. അല്‍മോയ റസാഖ് , സല്‍മാന്‍ കാവനൂര്‍ ,സവാദ് കടുങ്ങല്ലൂര്‍ പങ്കെടുത്തു.