ഗോവയില്‍ 24 മണിക്കൂറിനുള്ളില്‍ റിപോര്‍ട്ട് ചെയ്തത് 30 കൊവിഡ് കേസുകള്‍

പനാജി: ഒരു ഘട്ടത്തില്‍ കൊവിഡ് വ്യാപനം പൂര്‍ണമായും നിലച്ച ഗോവയില്‍ കഴിഞ്ഞ 24 മണിക്കൂറിനുള്ളില്‍ 30 പേര്‍ക്ക് കൂടി കൊവിഡ് സ്ഥിരീകരിച്ചു. ഇതോടെ ഗോവയിലെ കൊവിഡ് രോഗികളുടെ എണ്ണം 417 ആയി. ഇപ്പോഴും ഇന്ത്യയില്‍ കൊവിഡ് രോഗബാധ താരതമ്യേന കുറഞ്ഞ സംസ്ഥാനങ്ങളിലൊന്നാണ് ഗോവ.

നിലവില്‍ ഗോവയില്‍ 350 രോഗികളാണ് ചികില്‍സയിലുള്ളത്. ആകെ 67 പേര്‍ രോഗവിമുക്തരായി. ഇതുവരെ ആര്‍ക്കും ജീവഹാനിയുണ്ടായിട്ടില്ല. ഗോവയില്‍ കൊവിഡ് രോഗികളില്ലാത്തതല്ല, കൊവിഡ് രോഗം മറച്ചുവയ്ക്കുകയാണെന്നാരോപിച്ചുകൊണ്ട് കോണ്‍ഗ്രസ് ഒരു ഘട്ടത്തില്‍ രംഗത്തുവന്നിരുന്നു.