കനത്ത മഴയില് കണ്ണൂര് ജില്ലയില് നാശനഷ്ടം തുടരുന്നു
![കനത്ത മഴയില് കണ്ണൂര് ജില്ലയില് നാശനഷ്ടം തുടരുന്നു കനത്ത മഴയില് കണ്ണൂര് ജില്ലയില് നാശനഷ്ടം തുടരുന്നു](https://www.thejasnews.com/h-upload/2022/08/02/199090-untitled-1-copy.jpg)
കണ്ണൂര്:കനത്ത മഴയില് ജില്ലയില് നാശനഷ്ടം തുടരുന്നു. കണിച്ചാര് വില്ലേജിലെ പൂളക്കുറ്റി, വെള്ളറ, നെടുംപുറം ചാല് എന്നിവിടങ്ങളില് ഉരുള്പൊട്ടിയതിനെ തുടര്ന്ന് രണ്ടുപേര് മരിച്ചു. ഒരാളെ കാണാതായി.പൂളക്കുറ്റി എല് പി സ്കൂളില് ദുരിതാശ്വാസ ക്യാംപ് തുറന്നു. ഇവിടെ 31 പേര് അഭയം തേടി.
കേളകം താഴെവെള്ളറ കോളനിയിലെ അരുവിക്കല് ഹൗസില് രാജേഷ്(45), പൂളക്കുറ്റി ആരോഗ്യ കേന്ദ്രം ജീവനക്കാരി നദീറ ജെ റഹീമിന്റെ രണ്ടര വയസുകാരിയായ മകള് നൂമ തസ്മീന് എന്നിവരാണ് മരിച്ചത്. കണിച്ചാര് വില്ലേജ് വെള്ളറ കോളനിയിലെ ചന്ദ്രനെ(55)യാണ് കാണാതായത്.
കണിച്ചാര് പഞ്ചായത്ത് തുടിയാട് കച്ചറമുക്ക് റോഡില് മൂന്ന് ഭാഗത്ത് ഉണ്ടായ ഉരുള്പൊട്ടലിനെ തുടര്ന്ന് ഒറ്റപ്പെട്ടു പോയ പത്തോളം കുടുംബങ്ങളെ ഫയര് & റെസ്ക്യു സേനാംഗങ്ങള് സാഹസികമായി റോപ്പ് റെസ്ക്യു കിറ്റിന്റെയും സ്ട്രക്ച്ചറിന്റെയും സഹായത്താല് സുരക്ഷിത സ്ഥലത്തേക്ക് മാറ്റി.
വിവിധയിടങ്ങളില് മണ്ണിടിച്ചില് ഉണ്ടായി.നെടുപൊയില്മാനന്തവാടി റോഡില് മൂന്ന് കിലോ മീറ്ററോളം ദൂരത്ത് റോഡ് തകര്ന്ന് ഗതാഗതം തടസ്സപ്പെട്ടിരിക്കുകയാണ്. ഗതാഗതം പുനഃസ്ഥാപിക്കാനുള്ള പ്രവര്ത്തനം ആരംഭിച്ചിട്ടുണ്ട്. ബദല് മാര്ഗമായി പാല്ചുരം റോഡ് ഉപയോഗിക്കണമെന്ന് പൊതുമരാമത്ത് വകുപ്പ് അറിയിച്ചു.
RELATED STORIES
ആര്എസ്എസ് ക്യാംപിലെത്തി, ജനറല് സെക്രട്ടറിയുമായി ചർച്ച നടത്തി;...
7 Sep 2024 4:58 AM GMT'കശ്മീരി സ്ത്രീയുമായി ബന്ധം, എയര്ഹോസ്റ്റസുമാരുമായി പ്രണയം';...
6 Sep 2024 3:52 PM GMTഅസം മുഖ്യമന്ത്രിയുടെ വര്ഗീയ വിദ്വേഷ പ്രവര്ത്തനങ്ങള് നിയന്ത്രിക്കണം: ...
6 Sep 2024 6:26 AM GMTപോലിസിലെ ഉന്നതര് ബലാല്സംഗം ചെയ്തു; ഞെട്ടിക്കുന്ന വെളിപ്പെടുത്തലുമായി ...
6 Sep 2024 4:52 AM GMTഒടുവില് എസ്പി തെറിച്ചു; പത്തനംതിട്ട എസ് പി സുജിത്ത് ദാസിന്...
5 Sep 2024 3:38 PM GMTകൊടിഞ്ഞി ഫൈസല് വധം: അഡ്വ. പി ജി മാത്യു സ്പെഷ്യല് പബ്ലിക്...
5 Sep 2024 1:09 PM GMT