കൊച്ചിയിൽ പെൺകുട്ടികളുടെ ഹോസ്റ്റലിലെ കുളിമുറിയിൽ ഒളിക്യാമറ; പിന്നാലെ അപ്രത്യക്ഷമായി
![കൊച്ചിയിൽ പെൺകുട്ടികളുടെ ഹോസ്റ്റലിലെ കുളിമുറിയിൽ ഒളിക്യാമറ; പിന്നാലെ അപ്രത്യക്ഷമായി കൊച്ചിയിൽ പെൺകുട്ടികളുടെ ഹോസ്റ്റലിലെ കുളിമുറിയിൽ ഒളിക്യാമറ; പിന്നാലെ അപ്രത്യക്ഷമായി](https://www.thejasnews.com/h-upload/2024/06/06/220428-police.webp)
കൊച്ചി: പെണ്കുട്ടികള് താമസിക്കുന്ന സ്വകാര്യ പിജി ഹോസ്റ്റലിലെ കുളിമുറിയില് ഒളിക്യാമറ കണ്ടെത്തി. പൊന്നുരുന്നിയില് പെണ്കുട്ടികള് പേയിങ് ഗസ്റ്റായി താമസിക്കുന്ന വീട്ടിലാണ് ഒളിക്യാമറ കണ്ടെത്തിയത്. അതേസമയം, സംഭവത്തില് പരാതി നല്കിയിട്ടും കടവന്ത്ര പോലിസ് കേസെടുക്കുന്നില്ലെന്നാണ് പെണ്കുട്ടികളുടെ ആരോപണം. ഇതേത്തുടര്ന്ന് പെണ്കുട്ടികള് കൊച്ചി സിറ്റി പോലിസിന്റെ വനിതാ സെല്ലിനെ സമീപിച്ചു.
ബുധനാഴ്ചയാണ് ഹോസ്റ്റലിലെ നാല് പെണ്കുട്ടികള് താമസിക്കുന്ന മുറിയിലെ കുളിമുറിയില് മൊബൈല്ഫോണ് ക്യാമറ ഓണ്ചെയ്ത് ഒളിപ്പിച്ചനിലയില് കണ്ടെത്തിയത്. കുളിമുറിയിലെ എക്സ്ഹോസ്റ്റ് ഫാനിനിടയിലായിരുന്നു ക്യാമറ ഒളിപ്പിച്ചിരുന്നത്. ക്യാമറ ശ്രദ്ധയില്പ്പെട്ടതോടെ കുളിമുറിയില് കയറിയ പെണ്കുട്ടി ഇറങ്ങിയോടി മറ്റു അന്തേവാസികളെ വിവരമറിയിച്ചു. തുടര്ന്ന് ഇവര് വീട്ടുടമയെ വിവരമറിയിച്ച് തിരികെ എത്തിയപ്പോഴേക്കും കുളിമുറിയില്നിന്ന് മൊബൈല്ഫോണ് അപ്രത്യക്ഷമായിരുന്നു. ഇതിനുപിന്നാലെയാണ് പെണ്കുട്ടികള് പരാതിയുമായി കടവന്ത്ര പോലിസിനെ സമീപിച്ചത്.
സ്റ്റേഷനില് മേലുദ്യോഗസ്ഥര് ഇല്ലാത്തതിനാല് കേസെടുക്കാനും നടപടിയെടുക്കാനും വൈകുമെന്നാണ് പോലിസ് സ്റ്റേഷനില്നിന്ന് പറഞ്ഞതെന്നും പെണ്കുട്ടികള് ആരോപിച്ചു. തുടര്ന്നാണ് ഇവര് കൊച്ചി സിറ്റി പോലിസിന്റെ വനിതാ സെല്ലിനെ സമീപിച്ചത്.
RELATED STORIES
കൈയേറ്റം ചെയ്തെന്ന് വിനായകന്; ഹൈദരാബാദ് പോലിസ് കസ്റ്റഡിയിലെടുത്തു
7 Sep 2024 2:47 PM GMT'നിങ്ങള് ഒരു കൊലയാളിയാണ്'; ബെന്ഗ്വിറിനെ ബീച്ചില് നിന്നു പുറത്താക്കി ...
7 Sep 2024 2:37 PM GMTബലാത്സംഗക്കേസ്; മുകേഷിന്റെ മുന്കൂര് ജാമ്യം റദ്ദാക്കണമെന്ന്...
7 Sep 2024 12:42 PM GMTഎഡിജിപി ആര്എസ്എസ് നേതാവ് റാംമാധവിനെയും കണ്ടു; സ്പെഷ്യല് ബ്രാഞ്ച്...
7 Sep 2024 10:28 AM GMT'പുനര്ജനി' കേസില് വി ഡി സതീശന്-ആര്എസ്എസ് രഹസ്യധാരണയെന്ന് പി വി...
7 Sep 2024 8:27 AM GMTയുപിയില് മുസ് ലിം യുവാവിനെ ആക്രമിച്ച് ബജ്റങ്ദള് പ്രവര്ത്തകര്;...
7 Sep 2024 8:01 AM GMT