ഉയര്‍ന്ന രക്ത സമ്മര്‍ദ്ദം: മഅ്ദനി ആശുപത്രിയില്‍

ബംഗളൂരു: രക്തസമ്മര്‍ദ്ദം ക്രമാതീതമായി ഉയര്‍ന്നതിനെ തുടര്‍ന്ന് പിഡിപി ചെയര്‍മാന്‍ അബ്ദുന്നാസിര്‍ മഅ്ദനിയെ ആശുപത്രിയില്‍ പ്രവേശിപ്പിച്ചു. ഇന്ന് നോമ്പുതുറ സമയത്താണ് രക്തസമ്മര്‍ദ്ദം വര്‍ധിച്ച് മഅ്ദനി അബോധാവസ്ഥയോളം അവശനിലയിലായത്.

ആസ്റ്റര്‍ സിഎംഐ ആശുപത്രിയില്‍ പ്രവേശിപ്പിച്ച അദ്ദേഹത്തെ വിദഗ്ദ പരിശോധനകള്‍ക്ക് വിധേയനാക്കി. മഅ്ദനി ഇന്ന് നോമ്പ് എടുത്തിരുന്നു.

അനിയന്ത്രിതമായ പ്രമേഹം മൂലമുള്ള ഒട്ടേറെ ആരോഗ്യ പ്രശ്‌നങ്ങളും മഅ്ദനിയെ സാരമായി ബാധിച്ചതായി ആശുപത്രിയില്‍ ഒപ്പമുള്ള മകന്‍ സലാഹുദ്ധീന്‍ അയ്യൂബി തേജസ് ന്യൂസിനോട് പറഞ്ഞു.