ഐഎംഎഫ് മീഡിയ ക്രിക്കറ്റ് ചാമ്പ്യന്‍ഷിപ്പ് 27ന് ഷാര്‍ജയില്‍

ഷാര്‍ജ; യുഎയിലെ ഇന്ത്യന്‍ മാധ്യമ പ്രവര്‍ത്തകരുടെ കൂട്ടായ്മയായ ഐഎംഎഫിന്റെ നേതൃത്വത്തില്‍ യാക്കോബ്‌സ് എവര്‍റോളിങ്ങ് ട്രോഫിക്ക് വേണ്ടിയുള്ള മീഡിയ ക്രിക്കറ്റ് ചാമ്പ്യന്‍ഷിപ്പ് ഈ മാസം 27ന് ഷാര്‍ജ സ്‌കൈലൈന്‍ കോളേജ് ഗ്രൗണ്ടില്‍ നടക്കും. ഉച്ചക്ക് 1 മണി മുതലാണ് മത്സരം. വിക്ടോറിയ ക്രിക്കറ്റ് അക്കാദമി ആന്‍ഡ് സ്‌പോര്‍ട്‌സ് ഫെസിലിറ്റീസ്, ദുബയ് എസ്പിഎസ്എ ക്രിക്കറ്റ് അക്കാദമി, ബ്ലാക്ക് പെഗാസിസ് ക്രിക്കറ്റ് ക്ലബ് എന്നിവയുടെ സാങ്കേതിക സഹകരണത്തോടെയാണ് ചാമ്പ്യന്‍ഷിപ്പ് നടത്തുന്നത്.

വിജയികള്‍ക്ക് ക്യാഷ് അവാര്‍ഡും ട്രോഫിയും സമ്മാനമായി നല്‍കും. യാക്കോബ്‌സ് ഫാം ആന്‍ഡ് കാംപിങ് മാനേജിങ്ങ് ഡയറക്ടര്‍ ഫിനിക്‌സ് യാക്കോബാണ് മുഖ്യ സ്‌പോണ്‍സര്‍. ലുലു ഗ്രൂപ്പും ഉസ്താദ് ഹോട്ടലും ഗ്ലോബല്‍ മീഡിയ ഹബും ചാമ്പ്യന്‍ഷിപ്പുമായി സഹകരിക്കും.

കൂട്ടായ്മയിലെ അംഗങ്ങള്‍ക്കിടയില്‍ ആരോഗ്യ സംരക്ഷണത്തെക്കുറിച്ചുള്ള അവബോധമുണ്ടാക്കുക എന്ന ലക്ഷ്യത്തോടെയാണ് ക്രിക്കറ്റ് മത്സരം നടത്തുന്നത് എന്ന് കോര്‍ഡിനേറ്റര്‍മാരായ രാജു മാത്യു, ഷിനോജ് ഷംസുദ്ദിന്‍, സുജിത് സുന്ദരേശന്‍ എന്നിവര്‍ അറിയിച്ചു.

കൂട്ടായ്മയുടെ നേതൃത്വത്തില്‍ നേരത്തെ ഫുട്‌ബോള്‍ മത്സരവും ബാഡ്മിന്റണ്‍ ചാമ്പ്യന്‍ഷിപ്പും നടത്തിയിരുന്നു.