ഒഡീഷയില്‍ ഇതുവരെ കൊവിഡ് വാക്‌സിന്‍ സ്വീകരിച്ചത് 1,77,000 ആരോഗ്യപ്രവര്‍ത്തകര്‍

ഭുവനേശ്വര്‍: ഒഡീഷയില്‍ ഇതുവരെ 1,77,000 ആരോഗ്യപ്രവര്‍ത്തകര്‍ കൊവിഡ് വാക്‌സിന്‍ സ്വീകരിച്ചതായി സംസ്ഥാന ആരോഗ്യ കുടുംബക്ഷേമ മന്ത്രാലയം സ്ഥിരീകരിച്ചു.

സംസ്ഥാനത്തിന് ഇതുവരെ 3,50,000 വാക്‌സിന്‍ ഡോസാണ് ലഭിച്ചത്. ബാക്കി 1,73,000 വാക്‌സിന്‍ ഡോസുകള്‍ ഫെബ്രുവരി പത്തിനകം നല്‍കുമെന്നും മന്ത്രാലയം അറിയിച്ചു.

ബുധനാഴ്ച രണ്ട് പേര്‍ക്ക് കൊവിഡ് വാക്‌സിന്‍ സ്വീകരിച്ചതിനെത്തുടര്‍ന്ന് പാര്‍ശ്വഫലങ്ങള്‍ ഉണ്ടായിട്ടുണ്ട്. ഒന്ന് 24 വയസ്സുള്ള സ്ത്രീയാണ്. രണ്ടുപേരെയും ആശുപത്രിയില്‍ പ്രവേശിപ്പിച്ചു. ആദ്യത്തെയാള്‍ നൗപാദ ജില്ലക്കാരിയും രണ്ടാമത്തേത് ഝര്‍സുഗുദ ജില്ലയില്‍ നിന്നുള്ളയാളുമാണ്. രണ്ടു പേരുടെയും സ്ഥിതി മെച്ചപ്പെട്ടു.