വയനാട് ജില്ലയില്‍ 27 പേര്‍ക്ക് കൊവിഡ്, 30 പേര്‍ക്ക് രോഗമുക്തി
വയനാട്: വയനാട് ജില്ലയില്‍ 27 പേര്‍ക്ക് കൊവിഡ് സ്ഥിരീകരിച്ചതായി ജില്ലാ മെഡിക്കല്‍ ഓഫീസര്‍ ഡോ. ആര്‍. രേണുക അറിയിച്ചു. 30 പേര്‍ രോഗമുക്തി നേടി. എല്ലാവര്‍ക്കും സമ്പര്‍ക്കത്തിലൂടെയാണ് രോഗബാധ. ഇതോടെ ജില്ലയില്‍ കൊവിഡ് സ്ഥിരീകരിച്ചവരുടെ ആകെ എണ്ണം 977 ആയി. ഇതില്‍ 676 പേര്‍ രോഗമുക്തരായി. മൂന്നു പേര്‍ മരിച്ചു. നിലവില്‍ 298 പേരാണ് ചികില്‍സയിലുള്ളത്. 282 പേര്‍ ജില്ലയിലും 16 പേര്‍ ഇതര ജില്ലകളിലും ചികില്‍സയില്‍ കഴിയുന്നു.
രോഗം സ്ഥിരീകരിച്ചവര്‍:
പടിഞ്ഞാറത്തറ സമ്പര്‍ക്കത്തിലുളള 12 പേര്‍ (5 പുരുഷന്മാര്‍, 4 സ്ത്രീകള്‍, 3 കുട്ടികള്‍), കല്‍പ്പറ്റ സമ്പര്‍ക്കത്തിലുളള 4 പേര്‍ ( 52,52, 33,43 വയസ് ), മെഡിക്കല്‍ കോളജില്‍ ചികില്‍സ കഴിഞ്ഞ് തിരിച്ചെത്തിയ അമ്പലവയല്‍ സ്വദേശിയുടെ സമ്പര്‍ക്കത്തിലുളള രണ്ട് കുമ്പളേരി സ്വദേശികള്‍ (സ്ത്രീ (27) പെണ്‍കുട്ടി (6), നല്ലൂര്‍നാട് ക്യാന്‍സര്‍ സെന്ററിലെ ആരോഗ്യപ്രവര്‍ത്തകയുടെ സമ്പര്‍ക്കത്തിലുളള തോണിച്ചാല്‍ സ്വദേശികളായ മൂന്ന് പേര്‍ (പുരുഷന്‍ (40), കുട്ടികള്‍ (5, 2), ചൂരല്‍മല ഉരുള്‍പൊട്ടലില്‍ സന്നദ്ധ പ്രവര്‍ത്തനം നടത്തിയ ചൂരല്‍മല സ്വദേശിയുടെ സമ്പര്‍ക്കത്തിലുള്ള ചൂരല്‍മല സ്വദേശികളായ രണ്ടുപേര്‍ (36, 38), വാളാട് സമ്പര്‍ക്കത്തിലുളള വാളാട് സ്വദേശിയായ 2 കുട്ടികള്‍ (1, 2), അമ്പലവയല്‍ നരിക്കുണ്ട് സ്വദേശികളായ രണ്ട് പേര്‍ ( 28, 42) എന്നിവര്‍ക്കാണ് രോഗം സ്ഥിരീകരിച്ചത്.
30 പേര്‍ക്ക് രോഗമുക്തി:
വാളാട് സ്വദേശികളായ 9 പേര്‍, മുണ്ടക്കുറ്റി സ്വദേശികളായ 5 പേര്‍, കുഞ്ഞോം സ്വദേശികളായ 5 പേര്‍, പനമരം സ്വദേശികളായ 4 പേര്‍, വെള്ളമുണ്ട സ്വദേശികളായ 2 പേര്‍, മാനന്തവാടി, എടവക, കോറോം, നല്ലൂര്‍നാട്, പൊഴുതന സ്വദേശികളായ ഓരോരുത്തരുമാണ് രോഗം ഭേദമായി ആശുപത്രി വിട്ടത്.
246 പേര്‍ കൂടി നിരീക്ഷണത്തില്‍
കോവിഡുമായി ബന്ധപ്പെട്ട് ജില്ലയില്‍ ഇന്ന് (13.08) പുതുതായി നിരീക്ഷണത്തിലായത് 246 പേരാണ്. 191 പേര്‍ നിരീക്ഷണ കാലം പൂര്‍ത്തിയാക്കി. നിലവില്‍ നിരീക്ഷണത്തിലുള്ളത് 2772 പേര്‍. ഇന്ന് വന്ന 25 പേര്‍ ഉള്‍പ്പെടെ 331 പേര്‍ ആശുപത്രിയില്‍ നിരീക്ഷണത്തിലാണ്. ജില്ലയില്‍ നിന്ന് ഇന്ന് 759 പേരുടെ സാംപിളുകളാണ് പരിശോധനയ്ക്ക് അയച്ചത്. ഇതുവരെ പരിശോധനയ്ക്ക് അയച്ച 30631 സാംപിളുകളില്‍ 28608 പേരുടെ ഫലം ലഭിച്ചു. ഇതില്‍ 27631 നെഗറ്റീവും 977 പോസിറ്റീവുമാണ്.
