ബംഗാള് ഗവര്ണര് ലൈംഗികമായി പീഡിപ്പിച്ചെന്ന നര്ത്തകിയുടെ പരാതിയില് പോലിസ് റിപോര്ട്ട് കൈമാറി
![ബംഗാള് ഗവര്ണര് ലൈംഗികമായി പീഡിപ്പിച്ചെന്ന നര്ത്തകിയുടെ പരാതിയില് പോലിസ് റിപോര്ട്ട് കൈമാറി ബംഗാള് ഗവര്ണര് ലൈംഗികമായി പീഡിപ്പിച്ചെന്ന നര്ത്തകിയുടെ പരാതിയില് പോലിസ് റിപോര്ട്ട് കൈമാറി](https://www.thejasnews.com/h-upload/2024/05/15/219786-mmm.webp)
ന്യൂഡല്ഹി: ബംഗാള് ഗവര്ണര് സിവി ആനന്ദബോസ് ലൈംഗികമായി പീഡിപ്പിച്ചു എന്നാരോപിച്ച് ഒഡിഷി നര്ത്തകി നല്കിയ പരാതിയില് കൊല്ക്കത്ത പോലിസ് അന്വേഷണ റിപോര്ട്ട് കൈമാറി. ബംഗാള് സര്ക്കാരിനാണ് കൊല്ക്കട്ട പോലിസ് റിപോര്ട്ട് കൈമാറിയത്. കഴിഞ്ഞ വര്ഷം ജനുവരിയില് ഡല്ഹിയിലെ ഹോട്ടലില് ആനന്ദ ബോസ് ലൈംഗികമായി പീഡിപ്പിച്ചു എന്നാണ് യുവതിയുടെ പരാതി. 2023 ഒക്ടോബറിലാണ് യുവതി ബംഗാള് ഗവര്ണര്ക്കെതിരെ പോലിസിന് പരാതി നല്കിയത്. ജനുവരിയില് നടന്ന സംഭവത്തില് 10 മാസങ്ങള് വൈകി പരാതി നല്കിയത് എന്തുകൊണ്ടാണെന്ന് വ്യക്തമല്ല. വിദേശയാത്രയ്ക്ക് ഉണ്ടായ തടസ്സം നീക്കുന്നതിന് സഹായം അഭ്യര്ത്ഥിച്ചാണ് സിവി ആനന്ദബോസിനെ ആദ്യം സന്ദര്ശിച്ചതെന്നാണ് യുവതി പോലിസിന് നല്കിയ പരാതിയില് പറഞ്ഞത്. ആനന്ദബോസ് നിര്ദേശിച്ചതിനെ തുടര്ന്ന് വിദേശകാര്യ മന്ത്രാലയത്തെ സമീപിച്ചെന്നും വിദേശ യാത്രയ്ക്കുള്ള ടിക്കറ്റുകള് ലഭിച്ചെന്നും പരാതിയില് വ്യക്തമാക്കിയിട്ടുണ്ട്. ഇതിനുപുറമെ ജനുവരി അഞ്ച്, ആറ് തിയ്യതികളില് ഡല്ഹിയില് താമസിക്കുന്നതിനുള്ള ഹോട്ടലില് മുറി ബുക്ക് ചെയ്തതതിന്റെ വിശദശാംശങ്ങളും ലഭിച്ചിരുന്നു. ആ ദിവസങ്ങളില് ഡല്ഹിയിലെ ബംഗാ ഭവനില് ഉണ്ടായിരുന്ന ആനന്ദബോസ് ഹോട്ടലില് എത്തി തന്നെ പീഡിപ്പിച്ചു എന്നാണ് യുവതിയുടെ പരാതി. പ്രാഥമിക അന്വേഷണത്തില് യുവതിയുടെ പരാതിയില് പറയുന്ന സമയത്ത് ആനന്ദബോസ് ബംഗാ ഭവനിലും ഹോട്ടലിലും ഉണ്ടായിരുന്നുവെന്ന് സിസിടിവി പരിശോധനയില് കണ്ടെത്തിയതായാണ് സൂചന. ബംഗാള് ഗവര്ണര് പീഡിപ്പിച്ചു എന്നാരോപിച്ച് രാജ്ഭവനിലെ ജീവനക്കാരി നല്കിയ പരാതി നിലവില് പോലിസിന്റെ പരിഗണനയിലാണ്. ആനന്ദബോസുമായി ബന്ധപ്പെട്ട എല്ലാ കാര്യങ്ങളും ഇതുവരെ പുറത്തുവന്നിട്ടില്ലെന്ന് കഴിഞ്ഞ ദിവസം ബംഗാള് മുഖ്യമന്ത്രി മമ്ത ബാനര്ജി പറഞ്ഞിരുന്നു. ഇതിനുപിന്നാലെയാണ് പുതിയ ലൈംഗികാതിക്രമ പരാതി ഉയര്ന്നിരിക്കുന്നത്.
RELATED STORIES
കൈയേറ്റം ചെയ്തെന്ന് വിനായകന്; ഹൈദരാബാദ് പോലിസ് കസ്റ്റഡിയിലെടുത്തു
7 Sep 2024 2:47 PM GMT'നിങ്ങള് ഒരു കൊലയാളിയാണ്'; ബെന്ഗ്വിറിനെ ബീച്ചില് നിന്നു പുറത്താക്കി ...
7 Sep 2024 2:37 PM GMTബലാത്സംഗക്കേസ്; മുകേഷിന്റെ മുന്കൂര് ജാമ്യം റദ്ദാക്കണമെന്ന്...
7 Sep 2024 12:42 PM GMTഎഡിജിപി ആര്എസ്എസ് നേതാവ് റാംമാധവിനെയും കണ്ടു; സ്പെഷ്യല് ബ്രാഞ്ച്...
7 Sep 2024 10:28 AM GMT'പുനര്ജനി' കേസില് വി ഡി സതീശന്-ആര്എസ്എസ് രഹസ്യധാരണയെന്ന് പി വി...
7 Sep 2024 8:27 AM GMTയുപിയില് മുസ് ലിം യുവാവിനെ ആക്രമിച്ച് ബജ്റങ്ദള് പ്രവര്ത്തകര്;...
7 Sep 2024 8:01 AM GMT