ചക്കിട്ടപ്പാറയില്‍ വീണ്ടും പുലിയുടെ സാന്നിധ്യം; ആടിനെ കൊന്നു

കോഴിക്കോട്: ചക്കിട്ടപ്പാറയില്‍ പുലിയുടെ സാന്നിധ്യം. സ്ഥലത്ത് ആടിനെ കൊന്നനിലയില്‍ കണ്ടെത്തി. പൂഴിത്തോട് മാവട്ടത്ത് ബുധനാഴ്ച രാത്രിയാണ് പുലി പകുതി ഭക്ഷിച്ച നിലയില്‍ ആടിന്റെ അവശിഷ്ടങ്ങള്‍ കണ്ടെത്തിയത്. ഷെഡില്‍ കെട്ടിയിരുന്ന ആടിനെ പുലി പിടിക്കുകയാണെന്ന് നാട്ടുകാര്‍ പറയുന്നു.കഴിഞ്ഞ ജനുവരിയില്‍ സ്ഥലത്ത് പുലിയുടെ സാന്നിധ്യം സ്ഥിരീകരിച്ചിരുന്നു. വീണ്ടും പുലിയുടെ സാന്നിധ്യം സ്ഥിരീകരിച്ചതോടെ വനം വകുപ്പ് സ്ഥലത്ത് കൂട് സ്ഥാപിച്ചിട്ടുണ്ട്.