ഒന്നാംഘട്ട അപ്പീലിനുശേഷമുള്ള ലൈഫ് കരട് പട്ടിക പ്രസിദ്ധീകരിച്ചു; അപ്പീല്‍ ജൂലൈ എട്ടുവരെ

കോട്ടയം: ലൈഫ് 2020 പോര്‍ട്ടലില്‍ ലഭിച്ച അപേക്ഷകളുടെ ഒന്നാംഘട്ട അപ്പീല്‍ പൂര്‍ത്തിയാക്കി കരട് പട്ടിക എല്ലാ തദ്ദേശസ്വയംഭരണ സ്ഥാപനങ്ങളിലും പ്രസിദ്ധീകരിച്ചു. ഒന്നാംഘട്ട അപ്പീല്‍ നല്‍കിയിട്ടും കരട് പട്ടികയില്‍ ഇടം നേടാത്ത അര്‍ഹരായ അപേക്ഷകര്‍ക്ക് ജൂലൈ എട്ടുവരെ അക്ഷയ കേന്ദ്രങ്ങള്‍ മുഖേനയോ അപേക്ഷ സമര്‍പ്പിച്ച മൊബൈല്‍ നമ്പര്‍ ഉപയോഗിച്ചോ ബന്ധപ്പെട്ട രേഖകള്‍ സഹിതം ഓണ്‍ലൈനായി അപ്പീല്‍ നല്‍കാം. ബ്ലോക്ക് പഞ്ചായത്തുകളില്‍ രൂപീകരിച്ചിട്ടുള്ള ഹെല്‍പ്പ് ഡെസ്‌ക് മുഖേനയും ലൈഫ് മിഷന്‍ ജില്ലാ ഓഫിസിലും അപേക്ഷ നല്‍കാം. പട്ടിക തദ്ദേശസ്വയംഭരണ സ്ഥാപനങ്ങളുടെ വെബ്‌സൈറ്റില്‍ ലഭിക്കും.