എല്‍പിജി ടാങ്കര്‍ കുഴിയിലേക്ക് ചെരിഞ്ഞു

കൊല്ലം: ചാത്തന്നൂര്‍ തിരുമുക്ക് ജങ്ഷനിലെ കുടിവെള്ള പൈപ്പ്‌ലൈന്‍ സ്ഥാപിക്കുന്നതിനുള്ള കുഴിയിലേക്ക് എല്‍പിജി ബുള്ളറ്റ് ടാങ്ക് ചെരിഞ്ഞു. മംഗളൂരുവില്‍നിന്ന് പാരിപ്പള്ളി ഐഒസി പ്ലാന്റിലേക്ക് എല്‍പിജിയുമായി പോകുകയായിരുന്നു ലോറി. ജങ്ഷനില്‍വെച്ച് എതിരെ വന്ന ലോറിക്ക് സൈഡ് കൊടുക്കവെയാണ് കുഴിയിലേക്ക് ചെരിഞ്ഞത്. ഇന്ന് പുലര്‍ച്ചെ 1.30 ഓടെയാണ് സംഭവം. ദേശീയ പാതയുടെ നിര്‍മാണ പ്രവര്‍ത്തങ്ങളുടെ ഭാഗമായി ജപ്പാന്‍ കുടിവെള്ള പദ്ധതിയുടെ പൈപ്പ് ലൈന്‍ സ്ഥാപിക്കുന്നതിനുള്ള കുഴിയിലേക്കാണ് ചെരിഞ്ഞത്.18 ടണ്‍ ഗ്യാസ് ആണ് വാഹനത്തിലുള്ളത്. ക്രെയിന്‍ ഉപയോഗിച്ച് വാഹനം ഉയര്‍ത്താനുള്ള നീക്കം നടക്കുന്നു. സംഭവസമയത്ത് വാഹനത്തിന്റെ െ്രെഡവറായ രാജസ്ഥാന്‍ സ്വദേശി വിക്രം സിങ് മാത്രമായിരുന്നു ഉണ്ടായിരുന്നത്.